VIDEO: ટેન્કર પલટી ખાઇ જતાં રોડ પર ડિઝલની રેલમછેલ કોઇ જાનહાની નહીં

દ્વારકાના કુરંગા ગામ પાસે ડિઝલ ભરેલું એક ટેન્કર પલટી મારી ગયું છે. ટેન્કર પલટી ખાઈ જતાં આજુબાજુના રોડ પર રોડ પર ડિઝલ ઢોળાયું છે અને અનેક જગ્યાએ ડિઝલ ના ખાબોચિયા ભરાઈ ગયા છે.

તો ઢોળાયેલા ડિઝલ ને લેવા માટે આસપાસના લોકો દોડી આવ્યા છે. બીજી તરફ તંત્ર દ્વારા ક્રેનની મદદથી ટેન્કરને સાઈડમાં ખસેડવામાં આવ્યું છે. અને હાલ સ્થાનિક પોલીસની ટીમ ઘટનાસ્થળે પહોંચી છે.

ઉલ્લેખનીય છે કે હાઇવે હોવાને કારણે રોજ-બરોજ મોટી સંખ્યામાં વાહનો આ રોડ પરથી પસાર થતાં રહે છે ત્યારે આજે એક ડિઝલ ભરીને જતું ટેન્કર અચાનક પલ્ટી ખાઇ જતાં રોડ પર ડિઝલની રેલમછેલ થઇ જવા પામી હતી.

આ ઘટના બનતા જ ગ્રામજનો નાના-મોટા વાસણો લઇને ડિઝલ ભરવામાંટે ઉમટી પડ્યા હતા. જો કે આ સમયે થોડીવાર તો મોટી સંખ્યામાં વાહનોની ભીડ થઇ જતાં ટ્રાફિક જામ થઇ ગયો હતો.

દ્વારકાના કુરંગા ગામ પાસે ડીઝલ ભરેલ ટેન્કર પલટી

સ્થાનિક પોલીસ ઘટના સ્થળ પર પહોંચી

ક્રેનની મદદથી ટેન્કરને સાઈડમાં ખસેડાઈ

ટેન્કર પલટી ખાઈ જતા ડીઝલનું ખાબોચિયું ભરાયું

ખાબોચિયા માંથી ડીઝલ ભરવા માટે આસપાસના લોકો દોડી આવ્યા