બેંગલુરુ: ટેક સિટી બેંગલુરુ ફરી એકવાર શર્મશાર થયું છે. 31 ડીસેમ્બરની રાતે વધુ એક ઘટના ઘટી છે. બેંગલુરુના ઇંદિરા નગરમાં પીધેલા નબીરાઓએ એક છોકરા અને છોકરી સાથે મારપીટ કરી હતી. ઘટનાના સીસીટીવી ફૂટેજ બાદ મામલો સામે આવ્યો છે.
મોડી રાતે કેટલાક બદમાશો દારૂ પીને રોડ પર ધમાલ કરી રહ્યા હતા. આ સમયે ત્યાંથી એક બાઇક પસાર થાય છે. યુવકનું બાઇક એક રસ્તે ઉભેલા એક યુવાનને સહેજ અડી ગયું હતું. જે બાદ બદમાશોએ યુવાન અને યુવતી બંનેને મારવા લીધા હતા.
જોકે પીડિત અને આરોપીઓ એક જ વિસ્તારમાં રહેતા હતા. યુવાને પોલીસ ફરિયાદની ના પાડી દીધી છે. આ પૂર્વે ગત વર્ષે બેંગલુરુમાં માસ મોલેસ્ટેશનને પગલે મોટો વિવાદ થયો હતો.