વડોદરામાં ભાજપ કાર્યકરોની દારૂની મહેફિલનો વીડિયો થયો વાયરલ

વડોદરામાં ભાજપના કાર્યકર્તાઓ દારૂની મહેફિલ માણતા હોય તેવો વીડિયો વાયરલ થઇ રહ્યો છે. વડોદરામાં ભાજપના 5 કાર્યકરો મહેફિલ માણતા નજરે પડી રહ્યા છે.

વાયરલ થઈ રહેલા વીડિયોમાં મહેશ રાજ ધવલ રાજ શૈલેષ પરમાર જિગ્નેશ પરમાર અને કમલેશ રોહિત નજરે પડી રહ્યા છે. દારૂની મહેફિલમાં તેઓ સિગરેટનું પણ સેવન કરતાં જોવા મળી રહ્યા છે. ચોંકાવનારી વાત તો એ છે કે કાયદાનો ડર ન હોય તેમ વીડિયો પણ વાયરલ કર્યો. મહેફિલ માણનાર ભાજપના આ કાર્યકર્તાઓ ભાજપના ફ્લેગ સાથે ભારત માતા કી જયના નારા લગાવી રહ્યા હતા. 

ઉલ્લેખનીય છે કે એક તરફ સરકાર દ્વારા રાજ્યમાં કડક દારૂબંધીનો અમલ કરવાની વાત કરવામાં આવી રહી છે. ત્યારે સરકારના જ કાર્યકર્તાઓ આવી રીતે દારૂની મહેફિલ કરે તે કેટલું યોગ્ય છે. સૌથી મોટો પ્રશ્ન તો એ છે કે કાર્યકરો જ નશાની હાલતમાં હોય તો સામાન્ય લોકોને દારૂ પિતા કઈ રીતે અટકાવશે સરકાર?. દારૂની મહેફિલ માણતા આ ભાજપના કાર્યકરો સામે ભાજપ શું પગલાં લે છે તે જોવું રહ્યું.