જીન્સ પહેરવાનો ટ્રેન્ડ આજનો નથી પરંતુ ઘણો જૂનો છે. દરેક લોકો જીન્સ પહેરીને એકદમ કન્ફર્ટેબલ ફિલ કરે છે પરંતુ મોટેભાગે જીન્સને જોઇને એક સવાલ જરૂરથી આવે છે કે આ જીન્સમાં પૉકેટમાં નાનું પૉકેટ કેમ હોય છે? અને તેનો શો ઉપયોગ થાય છે?
જોકે આ વિશે ઘણા બધાની અલગ-અલગ ધારણાઓ હોય છે પરંતુ આજે અમને તમને જણાવીશું કે છેવટે આ જીન્સમાં નાનું પૉકેટ કેમ હોય છે.
સામાન્ય રીતે જીન્સમાં 4 પૉકેટ્સ હોય છે બે આગળ અને બે પાછળ. આગળના પૉકેટ્સની જમણી બાજુ એક નાનું પૉકેટ હોય છે જેને લઇને લોકોમાં મતભેદ થતાં છે. જોકે આ પૉકેટમાં તમે સિક્કા જરૂરથી રાખી શકો છો. આ નાના પૉકેટનો સંબંધ ઇતિહાસની સાથે છે. આ નાની પૉકેટની શરૂઆત સૌથી પહેલા લેવી સ્ટ્રૉસ નામની કંપનીને કરી હતી જેને આજે તમામ લોકો લિવાઇસના નામે જાણે છે.
આ પૉકેટનું નામ વૉચ પૉકેટ છે જેને ખાસ કરીને કાઉ બૉયઝ માટે ખાસ રીતે તૈયાર કરવામાં આવ્યું હતુ. જેમાં તેઓ પોતાની ચેન વાળી ઘડિયાળ રાખી શકે છેએવું એટલા માટે કેમકે આ પૉકેટ નાનું હોય છેતેમાંથી ઘડિયાળ પડી જવાનો ડર નથી રહેતો અને ઘડિયાળ તૂટી પણ નથી જતી. અત્યારના સમયની વાત કરવામાં આવે તો કેટલાક જીન્સમાં તમને આ પ્રકારના પૉકેટ મળી જશે.