સવારે લીંબુ અને ગરમ પાણી પીવાથી થઇ શકે છે આ નુકસાન

લીંબુ અને ગરમ પાણીને ચમત્કારિક પીણું માનવામાં આવે છે જેના ફાયદા ઘણા બધા લોકો કહે છે. લોકોને સલાહ આપવામાં આવે છે કે ઊંઘમાંથી ઊઠ્યા બાદ એનું નિયમિત સેવન કરો. 

એ સાચું છે કે સવારના સમયે ગરમ પાણીને લીંબુ પાણી સાથે મિક્સ કરી લેવાથી પાચનમાં મદદરૂપ થાય છે પરંતુ એ આપણાં દાંત માટે યોગ્ય નથી. 

એક રિસર્ચ રિપોર્ટમાં જણાવ્યું છે કે ગરમ પાણી અને લીંબુથી દાંતની ઉપરની પરત ઇનેમલ માટે નુકસાનકારક છે. એનાથી પીળાશ વધે છે અને સેસેટિવિટીની સમસ્યા પણ વધી શકે છે. 

લીંબુમાં સામેલ એસિડના કારણે દાંતની પરત પર જોખમ રહે છે. એસિડિક ડ્રિંક્સનું સતત સેવન કરવાથી દાંતની આંતરિક પરત ડેન્ટાઇન નિકળી શકે છે જે ઇનેમલથી પણ વધારે પીળી હોય છે. 

આટલું જ નહીં સવારે ગરમ પાણી અને લીંબુ મિક્સ કરીને પીધા બાદ લોકો થોડાક સમય બાદ બ્રશ પણ કરી લે છે. આ સામાન્ય લાગી શકે છે પરંતુ એનાથી દાંતની પરતને નુકસાન થાય છે. 

જો પહેલાથી કોઇ નુકસાન છે તો એને આગળ રોકતાં ખૂબ મુશ્કેલ પડશે. ગરમ પાણી અને લીંબુ લીધા બાદ ક્યારેય પણ તરત બ્રશ ના કરશો.