ગુજરાત વિધાનસભાની ચૂંટણી નજીક આવી રહી છે. બરાબર ખરા તાકડે ગુજરાતની રાજનીતિએ એક નવો રંગ પકડયો છે. પાસ નેતા હાર્દિક પટેલને કથિત રીતે સંડોવતી આપત્તિજનક સીડી વાયરલ થઈ અને રાજનીતિમાં એક નવો વળાંક આવ્યો.
આપત્તિજનક વીડિયો બનાવવા પાછળનો ઈરાદો અને દોરીસંચાર અને વીડિયો બનાવવામાં મદદગારી કરનારાનું પગેરું મળતાં જ વિવાદના વહેણે નવો માર્ગ ધારણ કર્યો છે. આ વિવાદ ગુજરાતને કારણે ગુજરતાની રાજનીતિ કેવા ધારણ કરશે રંગરૂપ જોઈએ એક અહેવાલ.
આરોપ-પ્રત્યારોપ
કોંગ્રેસ અને જિજ્ઞેશે ગણાવ્યો હતો અંગત મામલો
કોંગ્રેસે હાર્દિકમાં સરદારના DNAની કરી હતી વાત
ભાજપ સ્ત્રી સન્માનની દેતું હતું દુહાઈ
પાસ નેતા હાર્દિક પટેલને સંડોવતો આપત્તિજનક વીડિયો સામે આવતાં જ તેના ઘેરા આઘાત અને પ્રત્યાઘાતો પડયા હતા. હાર્દિકના સમર્થનમાં ઉતરેલા કોંગ્રેસ અને દલિત એકતા મંચ સહિતના પક્ષો આ વીડિયોને એક પુખ્તવયના નાગરિકનો અંગત મામલો ગણાવી રહ્યા હતા તો હાર્દિક વિરોધી પક્ષો સ્ત્રી સન્માનની વાત આગળ ધરીને પોતાની ખીચડી પકવી રહ્યા હતા.
એક તરફ કોંગ્રેસે હાર્દિક પટેલના બચાવામાં હાર્દિકને સરદાર પટેલ સાથે સરખાવી દીધો હતો એટલું જ નહીં આ વીડિયો પાછળ ભાજપનો હાથ હોવાનો ખુલ્લેઆમ આક્ષેપ પણ કરી દીધો હતો. તો બીજી તરફ ભાજપે આ મામલે કાગારોળ મચાવી દીધી હતી.
આરોપ-પ્રત્યારોપ
વિવાદનું વાવાઝોડું સુરત તરફ ફંટાયું
વિપુલ પટેલ અને બિમલ પટેલનું નામ આવ્યું સામે
ષડયંત્રના મુખ્યસૂત્રધાર તરીકે જીતુવાઘાણી પર આક્ષેપ
દિનેશ બાંભણિયાએ જીતુ વાઘાણી પર મુક્યો આક્ષેપ
આક્ષેપ-પ્રતિઆક્ષેપ અને વાદ-વિવાદના આ વંટોળે સુરત તરફની એક નવી જ દિશા પકડી લીધી હતી. હાર્દિક પટેલને સંડોવતો કથિત આપત્તિજનક વીડિયો બનાવવા પાછળ સુરતના વરાછા રોડ પર રહેતા વિપુલ પટેલ અને બિમલ પટેલનો હાથ હોવાનું બહાર આવતાં જ વિવાદનો એક નવો જ મધપૂડો છેડાઈ ગયો હતો. મીડિયાકર્મીઓએ વરાછા સ્થિત વિપુલ પટેલના ઘરની મુલાકાત લેતાં જાણવા મળ્યું હતું કે તે એક વર્ષથી ઘરે આવ્યો નથી. તો વિપુલ પટેલના પિતાએ પોતાના સંતાનને બગાડવાનો ખુલ્લેઆમ આક્ષેપ હાર્દિક પટેલ પર લગાવ્યો હતો. એટલું જ નહી પાસ કન્વીનર દિનેશ બાંભણિયાએ આ વીડિયો પાછળના મુખ્યસૂત્રધાર તરીકે ભાજપ પ્રદેશ પ્રમુખ જીતુ વાઘાણીનું નામ ઉછાળતા રાજકીય વર્તુળોમાં સનસનાટી મચી ગઈ હતી..
હાર્દિકના કથિત વીડિયોને લઇને બાંભણિયાનો દાવો
"કુલ 52 સીડી બનાવામાં આવી છે"
"52માંથી 22 CD હાર્દિક પટેલની છે"
"CD પાછળ વિપુલ પટેલ બિમલ પટેલનો હાથ"
"બંને સુરતના છે અને ભાજપ સાથે મળેલા છે"
"હાર્દિકની હાલત નારણસાંઈ જેવી કરવાના હતા"
"હાર્દિક પટેલની સામે દુષ્કર્મની ખોટી ફરિયાદ"
"વિપુલ બિમલ અને જીતુ વાઘાણીની ગોઠવણ"
"કાવતરામાં પોલીસ અધિકારીઓ સામેલ"
"ષડયંત્ર પાછળ $40 કરોડનો સોદો કરાયો છે"
"જીતુ વાઘણીના ઇશારે ખોટી CD બનાવવામાં આવી"
"CD ભારતની બહાર બની છે"
"યુવતી સાથે $50 લાખમાં કરાર કરાયા"
"આ કેસમાં 2 PI 1 ACP 1 CP સામેલ"
"પ્લાનિંગ સાથે મોર્ફ CD બનાવવામાં આવી"
"જરૂર પડશે ત્યારે કોર્ટમાં પુરાવા રજૂ કરશું"
"વિપુલના ખાતામાં બિમલ પટેલ વચ્ચે રૂપિયાની લેવડ દેવડ"
"ભાવનગરમાં 6 મહિના પહેલા સોદો થયો"
"ભાવનગરના એક ફાર્મમાં સોદો નક્કી થયો હતો"
"હાર્દિક વિરૂદ્ધ યુવતી રેપની ફરિયાદ કરે તેવી આશંકા"
"PAAS કાર્યકરો પર થઇ શકે રેપની ફરિયાદ"
વાત અહી અટકતી નથી પાસ કન્વીનર દિનેશ બાંભણિયાએ વિપુલ પટેલ અન બિમલ પટેલ બન્ને ભાજપ સાથે જોડાયેલા હોવાનો અને ભાજપના દોરી સંચારથી આવી પ્રવૃતિ કરતા હોવાનો આક્ષેપ મુક્યો હતો. આ સીડી બનાવવાના ષડયંત્ર પાછળ રૂ.40 કરોડનો સોદો કરાયો હોવાનો અને અને વિપુલ પટેલ અન બિમલ પટેલના ખાતામાં લેવડદેવડ કરાઈ હોવાનો પણ આક્ષેપ કર્યો હતો. દિનેશ બાંભણિયા અહીં નહીં અટકતા આ કેસમાં પોલીસના મોટા માથાઓની સંડોવણી હોવાનો આરોપ મૂકી રહ્યા છે સાથે જ જરૂર પડયે આ ષડયંત્રના પુરાવા કોર્ટમાં રજૂ કરવાનો પણ હુંકાર કર્યો હતો.
પાટીદાર અનામત માટે ભેગા મળીને લડતાં યુવાનો હવે આમને સામને છે. અનામતના બદલે કોને મત એવી દ્વીધામાં પાટીદાર સમાજ આવી ગયો છે..વિધાનસભા 2017ની લડાઈ માત્ર ભાજપ કોંગ્રેસ કે અન્ય પક્ષ વચ્ચેની ન રહતાં. પાટીદારો વચ્ચે અંદરોઅંદરની આ લડાઈ પક્ષીય રાજકારણને પણ ટપી જાય તેવી બની ગઈ છે ત્યારે ગુજરાતના રાજકારણની આગામી દિશા અને દશા કેવો માર્ગ પકડશે તે તો સમય જ બતાવશે.