ડેસ્પાસિટો....દુનિયાભરના યંગસ્ટર્સ આ સોન્ગ પાછળ પાગલ છે. યુ ટયુબ પર વિડીયો સોન્ગ ડેસ્પાસિટોએ રીતસર આગ લગાવી દઇને તમામ રોકોર્ડ તોડી નાખ્યા છે. સીંગર લુઇસ ફોન્સીનું આ વિડીયો સોન્ગ યુ ટયુબ પર 3 અબજથી વધુ વખત જોવાયું છે. પ્યોર્ટો રિકો નામના નાનકડા ટાપુમાં જન્મેલા લુઇસ ફોન્સીને આ એક જ સોન્ગે દુનિયાભરમાં મશહુર બનાવી દીધો છે.
ડેસ્પાસિટોને અર્થ થાય છે ધીમે.રસપ્રદ બાબત એ છે કે આ સોન્ગ પહેલી વાર ડેડી યાન્કી નામના જાણીતા સીંગરે મેકિસકોમાં પરફોર્મ કર્યું હતું.જેમાં 2006માં મિસ યુનિવર્સ બનેલી જુલાઇકા રીબેરાને ફિચર કરાઇ હતી.લુઇસ ફોન્સીને આ સોન્ગ ગમી ગયું. તે કહે છે કે એક સવારે ઉઠયો ત્યારે એક જ શબ્દ મારા દિમાગમાં રમતા હતો ડેસ્પાસિટો. ફોન્સીએ સોન્ગને નવેસરથી લખાવ્યુ્ં.ફોન્સીએ સોન્ગમાં ડેડી યાન્કીને પણ સામેલ કર્યો. સોન્ગમાં ક્વાટ્રો નામના સ્પેનિશ ગિટારનો ઉપયોગ થયો છે.જે સોન્ગની શરુઆતમાં સાંભળી શકાય છે.વિડીયો સોન્ગ શૂટ થયું.
તાજેતરમાં જ મંબઇમાં પરફોર્મ કરી ગયેલા ફેમસ સીંગર જસ્ટીન બીબરે તે સાંભળ્યું.બીબરે ફોન્સીને ફોન કરીને સોન્ગનું રિમિકસ વર્ઝન બનાવવાની ઇચ્છા દર્શાવી.ફોન્સીએ તરત જ હા પાડી દીધી.બીબરે જોકે તેને ઇંગ્લીશના બદલે સ્પેનિશમાં જ ગાયું છે.ડેસ્પાસિટો અનેક દેશોમાં ચાર્ટ બસ્ટર સોન્ગ બન્યું છે.યુએસના બીલબોર્ડ રેન્કિંગમાં પણ તે નંબર એક પર છે.ડેસ્પાસિટોને 27 દેશોના નામી-અનામી સીંગર અલગ અલગ ભાષામાં ગાઇ ચુકયા છે. ગુજરાતી સીંગર સ્વરા ઓઝાનું ગુજરાતી ડેસ્પાસિટો પણ લોકોને ગમ્યું છે.
આ સોન્ગ 21 લાખથી પણ વધુ વખત જોવાયું છે. મજાની વાત એ છે કે અન્ય ભાષાના ડેસ્પાસિટોના વર્ઝન પણ સુપર હિટ બન્યા છે.લુઇસ ફોન્સીના ઓરિજનલ સોન્ગ પર મલેશિયામાં પ્રતિબંધ છે.તેના કેટલાક શબ્દો ઇસ્લામ વિરોધી હોવાનું કટ્ટરપંથીઓને લાગે છે.
યુ ટયુબ પર સૌથી વધુ જોવાયેલા 80 વિડીયોમાં 77 તો મ્યુઝીક વિડીયો છે.આમ તો ડેસ્પાસિટો ઉપરાંત વીઝ ખલીફાનું સી યુ અગેઇન સોન્ગ પણ 3 અબજથી વધુ વખત જોવાયું છે.પણ સી યુ અગેઇનને 3 અબજ પર પહોંચવામાં 853 દિવસ લાગ્યા હતા.ડેસ્પાસિટોએ 204 દિવસમાં આ આંકડો પાર કરી દીધો છે.આ ઉપરાંત ડેસ્પાસિટો યુ ટયુબ પર સૌથી વધુ લાઇક મેળવનાર વિડીયો છે.
આ પહેલા પીએસવાયના ગંગનમ સ્ટાઇલ સોન્ગે યુ ટયુબ પર ધૂમ મચાવી હતી.પાંચ વર્ષ પહેલા અપલોડ થયેલુ આ સોન્ગ અત્યાર સુધીમાં 2.92 અબજથી વધુ વાર જોવાયું છે. સૌથી વધુ જોવાયેલા વિડીયોના લીસ્ટમાં ચોથા નંબરે જસ્ટીન બીબર છે. તેનું સોન્ગ સોરી એક વર્ષમાં 2.70 અબજ વખત જોવાયું છે.