એક મુસ્લિમ પરિવારે ધર્મથી દૂર હટીને માનવતાની મિશાલ રજૂ કરી છે.દેહરાદૂનના એક મુસ્લિમ પરિવારે એક હિન્દૂ યુવકને માત્ર મોટો નથી કર્યો.પણ સાથે જ તેના હિન્દૂ વિધીથી લગ્ન પણ કરાવ્યા છે.સિગ્નલ મંડીમાં રહેતા મોઇનુદ્દીને 15 વર્ષ પહેલા એક અનાથ છોકરા રાકેશ રસ્તોગીને પોતાની સાથે રાખ્યો હતો.
સમય જતા રાકેશ મોટો થયો અને તેને ભણાવ્યો-ગણાવ્યો હતો.આ પરિવારે તેના ધર્મને લઇને કોઇ દબાણ પણ ના કર્યું આવ્યું અને તેને હિન્દૂ તરીકે જ સ્વીકાર્યો.અંતે સમય આવતા મોઇનુદ્દીને રાકેશના હિંદૂ રીતિ-રિવાજ પ્રમાણે જ લગ્ન પણ કરાવીને સમાજમાં નવો ચિલો ચાતર્યો હતો.મોઇનુદ્દીનની પત્ની કૌસર પોતાની વહૂને અગ્નિની સામે સાત ફેરા લેવડાવીને પોતાના ઘરે લાવી છે.
આપને જણાવી દઇએ કે મોઇનુદ્દીનને પોતાની બે દીકરીઓ છે.મોઇનુદ્દીનના ઘરમાં હિંદૂ યુવક હોવાથી જલ્દી રાકેશ માટે યુવતી મળી રહી ન હતી.જો કે મોઇનુદ્દીને આ છોકરાના લગ્ન ધામધૂમ પુર્વક કરાવી આપીને સમાજમાં નવો ચિલો ચાતર્યો હતો.