જામનગરઃ શહેરમાં ચૂંટણી પ્રચાર દરમિયાન યોજાયેલા એક સંમેલનમાં રક્ષામંત્રી નિર્મલા સીતારમને શહીદના માતા જશી બહેનને નમન કર્યા હતા. શહીદ થયેલા યુવક રમેશ જોગલના માતાને રક્ષામંત્રીએ પગે લાગી સન્માન કર્યુ હતું. રક્ષામંત્રી નિર્મલા સીતારમન શહીદના માતાને પગે લાગતા સોશિયલ મીડિયામાં લોકોએ રક્ષામંત્રીના વખાણ કર્યા હતા. કારગીલ યુદ્વમાં શહીદ થયેલા રમેશ જોગલને લઇને એક કાર્યક્રમ યોજાયો હતો.
તસ્વીરમાં એક વૃદ્ધ મહિલાના પગે લાગતા મહિલા કોઇ સાધારણ વ્યક્તિ નથી પરંતુ ભારતના રક્ષા મંત્રી નિર્મલા સીતારમન છે.
ગુજરાતમાં ચૂંટણીના ચક્રવ્યૂહ વચ્ચે રક્ષામંત્રીનો આ ફોટો સામે આવતા સોશિયમ મિડિયામાં તેને વાહવાહી થવા લાગી હતી. એક ટ્વિટર યૂઝરે લખ્યું કે "અમે દેશાના રક્ષામંત્રીના હોંસલાને સલામ કરીએ છીએ."
જણાવી દઇએ કે રક્ષામંત્રી નિર્મલા સીતારમન સોમવારે ચૂંટણી પ્રચારની પરંપરામાં ગુજરાતના જામનગરમાં હતી. આ દરમિયાન તેઓ જામનગરના પ્રબુદ્ધ નાગરિક સંમેલનમાં પણ સામેલ થયા.
આ કાર્યક્રમમાં કારગિલ યુદ્ધમાં શહીદ થયેલ ગનર રમેશ જોગલની માં જસીબહેન વિક્રમભાઇ જોગલ પણ પહોંચ્યા હતા. જણાવી દઇએ કે રમેશ જોગલ 141 મીડિયમ રેજીમેન્ડના જવાન હતા.
કાર્યક્રમ દરમિયાન જ્યારે 68 વર્ષીય જસી બહેન જ્યારે સ્ટેજ પર પહોંચ્યા ત્યારે સક્ષામંત્રી પોતાની ખુરશી પરથી ઉભા થઇ ગયા અને આગળ આવી જસીબહેનને પગે લાગી તેમનું અભિવાદન કર્યું.
ઉલ્લેખનીય છે કે નિર્મલા સીતારમન જમીનથી જોડાયેલ નેતાના રૂપે ઓળખાય છે. રક્ષામંત્રી બન્યા બાદ તેઓ એક્શનમાં છે. કેચલાક દિવસ પહેલા તેઓ સમાચારોમાં પણ આવી રહી છે. દિવાળી પર તેમણે બોર્ડર પર જઇ ચીની સૈનિકો સાથે મુલકાત કરી હતી.