સોલર પાવર દ્વારા કેવી રીતે નાંણાની બચત કરવી અને કયા પ્રકારે પુરતી વિજળી મેળવવી. તેનું ઉત્તમ ઉદાહરણ આપી રહિ છે. બનાસકાંઠાની ડીસા નગરપાલિકા. તો જોઈએ આ નવતર પ્રયોગથી કેટલી થાય છે કમાણી આ અહેવાલમાં.
બનાસકાંઠાની ડીસા નગરપાલીકા દ્વારા સોલર પ્લાન્ટ લગાવીને પુરી નગરપાલીકાને વિજળી આપવામાં આવી રહી છે. 6 માસ પહેલા અહીં વારંવાર વિજ પુરવઠો ખોરવાતા સરકારી કામકાજ ઠપ થઈ જતા હતા. તેને જોતા અધિકારીઓએ આ સોલર પ્લાન્ટ લગાવવાનું નક્કી કર્યું અને આજે પુરતા પ્રમાણમાં વિજ પુરવઠો મળી રહ્યો છે. ને સાથે જ બિલમાં પણ મોટા પ્રમાણે ઘટાડો નોંધાયો છે.
સોલર પ્લાન્ટની મદદથી બિલતો નહિવત આવી રહ્યું છે પરંતુ હવે નગરપાલિકા સોલર પ્લાન્ટ દ્વારા વિજળીના યુનિટ વીજ કંપનીઓમાં પણ જમા કરાવી રહી છે. પહેલા નગરપાલિકાને નામે રૂપિયા 98 લાખનું બિલ બાકી હતું. જે હવે ચુકવાઈ પણ ગયું છે. ને સાથે નગરપાલિકાએ આવક પણ શરૂ કરી લીધી છે.
આ પ્રકારે સોલર પ્લાન્ટ લગાવી વિજ પુરવઠો પુરો પડવો અને આવક ઉભી કરતી આ ગુજરાતની પહેલી નગરપાલિકા છે. તેવું પણ અહિના અધિકારીઓનું કેહવું છે. આ ઉપાય થી અન્ય નગરપાલિકાઓ અને સરકારી કચેરીઓને પણ સિખવાની જરૂર છે.