દિકરીઓના જન્મને પ્રોત્સાહન આપવા માટે સરકાર તરફથી અનેક પ્રકારની યોજનાઓ બહાર પાડવામાં આવી છે. પરંતુ સરકારના પ્રયાસો નિષ્ફળ જતા હોય તેવું લાગે છે. કારણ કે જે રીતે દિકરીઓને તરછોડવામાં આવે છે.. તે જોતા તો લાગે છે કે દિકરી હોવુ એ ગુનો છે.
મળતી માહિતી અનુસાર ડિસાના ગાયત્રી મંદિર વિસ્તારમાંથી એક બાળકી મળી છે. બાળકી બોલી શકતી ન હોવાથી અને તેના અંગે કોઇ જાણકારી ન હોવાથી સ્થાનિક લોકો બાળકને લઇને પોલીસ સ્ટેશન પહોચ્યા હતા. ત્યારે પોલીસે આ બાળકીના સ્વજનોને શોધવા માટે તપાસ શરૂ કરી દીધી છે.
નોંધનીય છે કે થોડાક દિવસ અગાઉ વડોદરામાં પણ મંદિરના પગથિયે 14 મહિનાની બાળકીને કોઇ વહેલી સવારે મૂકી ગયું હતું. જેના સ્વજનોની હજુ સુધી કોઇ ભાળ મળી નથી. વારંવાર આવા બાળકીને તળછોડીને જવાના કિસ્સા સામે આવ છે. ત્યારે સરકાર તરફથી બેટી બચાવો અભિયાન કેટલું સફળ? તે એક પ્રશ્ન છે.