મુંબઇ: બોલીવુડની જાણીતી અભિનેત્રી દીપિકાના ફેન્ચ માટે એક સારા સમાચાર છે. હકીકતમાં ડાયરેક્ટર સંજય લીલા ભંસાલીના નિર્દેશનમાં બની રહેલી ફિલ્મ 'પદ્માવતી'નું ફર્સ્ટ લુક બહાર આવી ગયું છે. આ પહેલા લુકમાં દીપિકાને પદ્માવતીના રૂપમાં સામે લાવવામાં આવી છે.
દીપિકા પાદુકોણએ ફિલ્મનું પહેલુ લુક ટ્વિટર પર ટ્વિટ કરતાં લખ્યું છે કે 'દેવી સ્થાપનાના શુભ અવસર પર મળો રાણી પદ્માવતીને' પોસ્ટરમાં દીપિકા હાથ જોડીને માથે બોડલા પહેરીને અને હાથમાં કડા પહેરેલા જોવા મળી રહી છે. આ સાથે જ ફિલ્મનું બીજુ એક પોસ્ટર પણ રજૂ કરવામાં આવ્યું છે. જેમાં રાજસ્થાની ઘરેણાંમાં દીપિકા ખૂબસુંદર જોવા મળી રહી છે.
માહિતી મળી હતી કે શૂટિંગ મોડું થવાના કારણે ફિલ્મની રિલીઝ તારીખ મોડી થઇ શકે છે અને આ ફિલ્મ આગળના વર્ષે ફેબ્રુઆરીમાં રિલીઝ થશે. પરંતુ ફિલ્મના પોસ્ટરમાં સ્પષ્ટ છે કે ફિલ્મ 1 ડિસેમ્બરના રોજ રિલીઝ થઇ રહી છે. નોંધનીય છે કે પદ્માવતીના શૂટિંગ દરમિયાન રાજસ્થાનમાં રાજપૂત કરણી સેનાએ ફિલ્મનો વિરોધ કર્યો હતો અને સેટ પર જોરદાર તોડફોડ કરી હતી.