અમદાવાદઃ ગુજરાત વિધાનસભા ચૂંટણીને લઈ ભાજપ અને કોંગ્રેસે ઉમેદવારોના નામ નક્કી કરી દીધા છે. પરંતુ બંને પક્ષોએ જાહેરાત ન કરતા સૌ કોઇની નજર ઉમેદવારોના નામ પર છે. આ તરફ ભાજપ પ્રદેશ પાર્લામેન્ટરી બોર્ડે ઉમેદવારોના નામ નક્કી કર્યા છે.
બન્ને તબક્કાના નામોની યાદી સીલ બંધ કવરમાં મોકલી દેવામાં આવી છે. સેન્ટ્રલ પાર્લામેન્ટરી બોર્ડની બેઠકમાં નામોની ચર્ચા કરવામાં આવશે. બીજી તરફ કોંગ્રેસમાં ભાજપ સામે ટક્કર ઝીલી શકે તેવા ઉમેદવારો પસંદ કરવા માટે દિલ્હી ખાતે કોંગ્રેસની ક્રીનિંગ કમિટીની કવાયત શરૂ થઈ ગઈ છે.
સ્ક્રીનિંગ કમિટીની બેઠકમાં કોંગ્રેસના દિગ્ગજ નેતાઓ હાજર છે. અહેમદ પટેલ ભરતસિંહ સોલંકી અશોક ગેહલોત બેઠકમાં ઉપસ્થિત છે.
ઉલ્લેખનીય છે કે ભાજપ સામે ટક્કર ઝીલી શકે તેવા ઉમેદવારો પસંદ કરવા માટે દિલ્હી ખાતે કોંગ્રેસની ક્રીનિંગ કમિટીની કવાયત શરૂ થઈ ગઈ છે. મોડી રાત્રે શરૂ થયેલી ક્રીનિંગ કમિટીની બેઠકમાં કોંગ્રેસના દિગ્ગજ નેતાઓ હાજર છે.
ગુજરાતની પ્રથમ તબક્કાની 89 બેઠકો માટે ઉમેદવારો પસંદ કરવા માટે પેનલોમાંથી નામ ચાળવાની કવાયત દિલ્હી ખાતે શરૂ થઈ ગઈ છે. આજની નિર્ણાયક બેઠકમાં 89 ઉમેદવારોના નામ પર આખરી મહોર લાગી જશે. આ નામોની જાહેરાત 16 નવેમ્બરના રોજ કરવામાં આવશે.