સુરતઃ મહિધરપુરા પોલીસ સ્ટેશનના કોન્સ્ટેબલ પર જીવલેણ હુમલો કરાયો હતો. દારૂના અડ્ડા પર રેડ કરવા જતા પોલીસ કોન્સ્ટેબલ પર હુમલો થયો છે. આ મામલે પોલીસે બુટલેગર અશોક ઉર્ફે ડોકોની ધરપકડ કરવામાં આવી છે. બુટલેગર અશોકની પત્ની માતા ભાઈ અને ભાઈની પત્ની સામે ગુનો નોંધાયો છે. આ મામલે આરોપી વિરુદ્ધ 307 હેઠળ ગુનો દાખલ કરવામાં આવ્યો છે.
મહિધપુરા પોલીસ દારૂના અડ્ડા પર રેડ કરવા ગઇ હતી. જે દરમિયાન તિજોરીમાંથી દારૂની બોટલો ઝડપાઇ હતી. આ રેડ LIVE કરવામાં આવી હતી. જે દરમિયાન ઘરમાંથી દારૂનો જથ્થો પકડાઇ આવ્યો હતો. ત્યારબાદ બુટલેગર અશોક રાણા દ્વારા હુમલો કરવામાં આવ્યો હતો.
પોલીસ કોન્સ્ટબલ પર ઘાતક હથિયાર વડે હુમલ કરવામાં આવ્યો હતો. બુટલેગર વિરૂદ્ધ ખૂનની કોશિશ કરવાનો ગુનો નોંધવામાં આવ્યો હતો. ત્યારબાદ વધુ તપાસ હાથ ધરવામાં આવી હતી.