મુંબઇઃ અંડરવર્લ્ડ ડૉન દાઉદ ઈબ્રાહીમના ભાઈ ઈકબાલ કાસકરની ધરપકડ કરવામાં આવી છે. થાણે એન્ટી એક્સટૉર્શન સેલે ઈકબાલ કાસકર સહિત 4 આરોપીને ઝડપી લીધા છે. વિવાદોમાં રહેલા એન્કાઉન્ટર સ્પેશિયલિસ્ટ પ્રદીપ શર્માએ ઈકબાક કાસકરને મુંબઈના નાગપાડા વિસ્તારમાં ઝડપ્યો છે. ઈકબાલ કાસકર પર એક બિલ્ડરને ખંડણી માટે ધમકી આપવાનો આરોપ છે.
પોલીસ સૂત્રોના જણાવ્યા અનુસાર ઇકબાલ પર પોતાના ભાઈના નામે જબરદસ્તી ખંડણી માગવાનો આરોપ છે. થાણે ઉલ્હાસનગર અને ડોમ્બિવલીના બિલ્ડરો પાસે ખંડણીની માગણી કરી હતી. જેમાંથી એક બિલ્ડરે થાણે પોલીસ આયુક્ત પરમબીરસિંહને ફરિયાદ કરી હતી. જે મામલે કાર્યવાહી કરવામાં આવી છે.
હાલ ઈકબાલ કાસ્કરની પૂછપરછ ચાલી રહી છે. આ પ્રથમ મામલો નથી જેમાં ઈકબાલની ખંડણી મામલે ધરપકડ કરાઈ હોય. આ પૂર્વે 2015માં મુંબઈ પોલીસે 3 લાખની ખંડણી મામલે ધરપકડ કરવામાં આવી હતી.