રાજકોટ પૂર્વ વિધાનસભા બેઠકના ભાજપના ઉમેદવારની દાદાગીરી સામે આવી છે.ભાજપ ઉમેદવાર અરવિંદ રૈયાણીની ખુલ્લેઆમ દાદાગીરીનો એક વીડિયો વાયરલ થયો છે.
અરવિંદ રૈયાણીને એક શખ્સે કોંગ્રેસ જીતશે તેવો અભિપ્રાય આપતા રૈયાણીનો ગુસ્સો સાતામા આસમાને પહોંચી ગયો હતો.
અને શોરૂમમાં ઘુસીને કોંગ્રેસ જીતશે તેવો અભિપ્રાય આપતાં માર માર્યો. અને મુક્કા અને લાતો વરસાવી. એટલું જ નહીં અરવિંદ રૈયાણી સાથે અન્ય કેટલાક શખ્સો પણ શોરૂમમાં ધસી આવ્યા અને દાદાગીરી કરી.
ઉલ્લેખનીય છે કે ગુજરાત વિધાનસભાની ચુંટણી હજી ગઇકાલે જ પુરી થઇ હતી જેમાં 182 બેઠક પર મતદાન યોજાયું હતું. ત્યારબાદ ગત સાંજથી જ ભારતના લોકપ્રિય મિડીયાએ એક એક્ઝિટ પોલ ચલાવતા તેમાં ભાજપની જીત થશે અને ગુજરાતમાં ભાજપ સરકાર બનશે તેવું જણાવ્યું હતુ.
પરંતુ આજે સવારે રાજકોટ ખાતે પુર્વ વિધાનસભા બેઠકના ઉમેદવાર અરવિંદ ભાઇએ એ શખ્સને ગુજરાતની ચુંટણીના રિઝલ્ટ અંગે પુછતાં તેણે કોંગ્રેસ તરફી જવાબ આપતા ભાજપી ઉમેદવાર વરસી પડ્યા હતા. અને તે શખ્સને ઢીબી નાંખ્યો હતો.