નવી દિલ્હીઃ રેલવેમાં મફત મુસાફરી કરતાં મુસાફરોને ઝડપી પાડવા માટે પશ્ચિમ રેલવે વિભાગ દ્વારા જાન્યુઆરી માસ દરમિયાન મુસાફરોનું સઘન ચેકિંગ હાથ ધરવામાં આવ્યું હતું.
ચેકિંગ દરમિયાન પશ્ચિમ રેલવેતંત્રએ ટિકિટ વિના મુસાફરી કરતાં 1 લાખ 92 હજાર કેસો સામે આવ્યા હતાં. જેમની પાસેથી રેલવે તંત્રને દંડ પેટે રૂ.7.76 કરોડની રકમની આવક થઈ હતી.
જેમાં 1147 ભિખારીઓ અને ફેરિયા પાસેથી દંડ વસૂલ કરાવામાં આવ્યો હતો. જ્યારે ટિકિટ વિનાના 85 યાત્રિકોને જેલની સજા કરવામાં આવી છે.
આ ઉપરાંત 237 જેટલા ટિકિટ દલાલો અને અસામાજિક તત્વો વિરુદ્ધ પણ તપાસ કરાવામાં આવી છે. સઘન ચેકિંગ દરમિયાન મોટા શહેરોમાં મહિલા કોચમાં પુરુષો પણ મુસાફરી કરતા હોવાના કિસ્સા સામે આવ્યા હતા.