નવસર્જન યાત્રાના બીજા દિવસે વ્યારા ખાતે કોંગ્રેસનું મહિલા સંમેલન

સુરતઃ તાપીના વ્યારા ખાતે કોંગ્રેસ મહિલા સંમેલનુ આયોજન કરવામાં આવ્યુ. આ સંમેલનમાં કોંગ્રેસ નેતા અર્જૂન મોઢવાઢીયા શક્તિસિંહ ગોહિલ અને કોંગ્રેસના દિગ્ગજ નેતાઓ હાજર રહ્યા હતા. આ કાર્યક્રમ દરમ્યાન કોંગ્રેસ નેતા સિદ્ધાર્થ પટેલે સભા સંબોધી હતી અને તેમણે કહ્યુ કે આગામી વિધાનસભાની ચૂંટણીમાં કોંગ્રેસની સરકાર બનશે તો 15 દિવસમાં જ ખેડૂતોનુ દેવુ માફ કરવામાં આવશે. ખેડૂતોને દિવસમાં 15 કલાક વીજળી આપવામાં આવશે.

ત્યાર બાદ બીજેપી પર પ્રહાર કરતા કહ્યુ કે કેન્દ્ર સરકાર દ્વારા વીજળી ઉત્પાદનમા સૌથી આગળ ગુજરાત હોય તેવા દાવા કરવામાં આવે છે પરંતુ ગુજરાતના ખેડૂતોને વીજળી મળતી નથી. ત્યાર બાદ તેમણે કહ્યુ કે ગુજરાતમાં વીજળીનો વેપાર કરવામાં આવે છે પરંતુ ખેડૂતોને વીજળી આવામાં આવતી નથી.

મહત્વનુ છે કે હાલમાં વાપીમાં નવસર્જન યાત્રા ચાલી રહી છે ત્યારે બુધવારે આ યાત્રાનો બીજો દિવસ છે. આ કાર્યક્રમ દરમ્યાન સિદ્ધાર્થ પટેલ દ્વારા સભા સંબોધીને ચૂંટણી લક્ષી જાહેરાત કરવામાં આવી છે.