VIDEO: કોંગ્રેસ ઉમેદવારની ઓડિયો ક્લીપ વાયરલ કર્યો અપશબ્દનો પ્રયોગ- 'પહેલા તને મે કીધુ હતું માપમાં રહેજે'

મહેસાણાઃ આગામી વિધાનસભાની ચૂંટણી માટે કોંગ્રેસ દ્વારા પાટણ બેઠક પર કિરીટ પટેલનુ નામ જાહેર કરવામાં આવ્યુ છે. ત્યારે હવે કિરીટ પટેલને વધુ એક વિવાદ સર્જાયો છે. કિરીટ પટેલનો વધુ એક ઓડિયો ક્લીપ વાયરલ થઈ છે. આ ઓડિયો ક્લીપમાં કિરીટ પટેલ અપશબ્દોનો પ્રયોગ કરી રહ્યા છે.

આ ઓડિયોમાં કિરીટ પટેલ પાટીદાર યુવક સાથે વાતકરી રહ્યા છે. આ ક્લીપમાં કિરીટ પટેલ પાટીદાર યુવકને અપશબ્દો કહી રહ્યા છે. આ ઓડિયો ક્લીપ આવતા પાટણના રાજકરણમાં ગરમાવો જોવા મળી રહ્યો છે.

આ ઓડિયો ક્લીપ ભાજપના પ્રદેશ મહામંત્રી કે.સી.પટેલે વાયરલ કર્યો છે. કે.સી પટેલે પાટણના મીડિયા ગ્રુપમાં ઓડિયો વાયરલ કર્યો છે. ઓડિયા ક્લીપમાં કિરીટ પટેલ હોવાનો દાવો કરવામાં આવી રહ્યો છે.

ઓડિયો ક્લીકમાં કિરીટ પટેલ સમર્થન આપવા બાબતે યુવકને અપશબ્દો કહી રહ્યા છે. આ ઓડિયો વાયરલ થયા બાદ ભાજપ દ્વારા આ ઓડિયો ક્લીપ બનાવીને વાયરલ કરવામાં આવ્યો હોય તેવો કિરીટ પટેલ દ્વારા દાવો કરવામાં આવી રહ્યો છે.

આ મામલે કિરીટ પટેલે કહ્યુ છે કે ભાજપ હાર ભારી ગઈ છે જેના ભાગરૂપે ખોટી ક્લીપો બનાવે છે તેવો દાવો કરવામાં આવી રહ્યો છે. 



પાટણ વિધાનસભા બેઠકના કોંગ્રેસ ઉમેદવારનો ઓડિયો વાયરલ