મુંબઇઃ બોલિવૂડ કલાકાર અંકિત તિવારી સહિત આકૃતિ કક્કડ અને શિલ્પા રાવની વિરૂદ્ધ ઓશિવારા પોલીસ સ્ટેશનમાં FIR દાખલ કરવામાં આવી છે. અમેરિકાની એક ઇવેન્ટ મેનેજમેન્ટ કંપનીએ આરોપ લગાવ્યો છે કે તેમણે અંકિત તિવારીની બ્રદરહુડ એન્ટરટેનમેંટ નામની કંપનીને શો કરવા માટે 30 લાખ રૂપિયા આપ્યા હતા.
આ કંપનીને અંકિત પોતાના ભાઇ અંકુર તિવારી સાથે મળીને ચલાવે છે. સાથે જ આ કંપનીમાં શિલ્પા રાવ પણ પાર્ટનર છે. બે વર્ષ પહેલા અંકિત સાથે અમેરિકી કંપનીના મેનેજરે સંપર્ક કર્યો હતો. અને અંકિત આ શો કરવા માટે તૈયાર થઇ ગયો હતો. આ શો માટે આકૃતિ કક્કડને પણ ફિક્સ કરી લેવામાં આવી હતી. અને તેમણે અંકિતની કંપનીને 30 લાખ રૂપિયા આપ્યા હતા.