સુરત: પોલિસ અધિકારીઓ સામાન્ય માણસને ખખડાવતા હોય એવા ઘણા કિસ્સા સાંભળ્યા છે. ક્યારેક આપણી સાથે પણ એવું થયુ હશે. પરંતુ હવે એક એવો પણ કિસ્સો બન્યો છે. જેમાં એક કોમન-મેન પોલીસ ઇન્સ્પેક્ટરને બરાબરના ખખડાવે છે.
મળતી માહિતી અનુસાર સુરતના જહાંગીરપુર પાસેની આ ઘટના છે. સુરતમાં બીઆરટીએસ લેનમાં ટ્રાફિક સર્કલ-1ના પોલીસ ઇન્સપેક્ટર એમ.આર. નકુમ પોતાની ગાડી ચલાવે છે. ત્યારે એક કોમનમેન તેમને ખખડાવી રહ્યા છે. આ વીડિયો સોશિયલ મીડિયા પર ખુબ જ વાયરલ થઈ રહ્યો છે. આ વીડિયોમાં કોમનમેન પોલીસ ઇન્સ્પેક્ટરને કઈ રહ્યો છે કે જો સામાન્ય માણસ બીઆરટીએસ લેનમાં પોતાનું વાહન ચલાવે તો પોલીસવાળા તેને પકડીને દંડ ફટકારે છે તો પોલિસવાળા બીઆરટીએસમાં વાહન ચલાવે તેનું શું? એવી દલીલ સાથે કોમન મેન પોલીસ ઇન્સ્પેટરને બરાબરના ખખડાવે છે અને આ વીડિયોમાં પોલીસ ઇન્સપેટર ઈમરજન્સીમાં હોય તેવુ જણાવી રહ્યા છે.
નોંધનીય છે કે PI એમ.આર.નકુમ ટ્રાફિક વિભાગમાં ફરજ બજાવે છે. ત્યારે બીઆરટીએસ ટ્રેકમાં કાર ચલાવતા નાગરિકે તેમને ખખડાવ્યા હતા. PIએ ટ્રાફિક હોવાથી બીઆરટીએસ ટ્રેકમાં કાર ચલાવી હોવાનું જણાવ્યું હતું.