અમદાવાદઃ ગુજરાત વિધાનસભાની ચૂંટણી પહેલા રાજકારણમાં હલચલ ચાલી રહી છે. એક તરફ ભાજપે પોતાના ઉમેદવારોની બે લિસ્ટ જાહેર કરી દીધી છે. ત્યારે બીજી તરફ કોંગ્રેસ ઉમેદવારોની લિસ્ટને લઇને મૌન છે. ત્યારે ઉમેદવારોની લિસ્ટ જાહેર કર્યા બાદ ખબર આવી રહી છે કે કોંગ્રેસ અને NCP વચ્ચે ગઠબંધન થયું છે.
કોંગ્રેસે NCP સાથે ગઠબંધન કર્યા બાદ તેને ચાર ટિકિટો ફાળવી છે. ગોંડલ કુતિયાણા ઉમરેઠ અને બનાસકાંઠા જીલ્લાની એક-એક સીટ ફાળવી છે. કુતિયાણાથી કાંધલ જાડેજા NCPની ટિકિટ પરથી ચૂંટણી લડવાના છે. ત્યારે ઉમરેઠથી જયંત બોસ્કી NCPની ટિકિટ પર ચૂંટણી લડશે.
ઉલ્લેખનીય છે કે કોંગ્રેસ આજે સાંજ સુધી ઉમેદવારોની યાદી જાહેર કરશે. દિલ્લીથી કોંગ્રેસ ઉમેદવારોની યાદી જાહેર કરાશે. સાંજે 5 વાગ્યે કોંગ્રેસ ઉમેદવારોની યાદી જાહેર થશે.દિલ્લીથી કોંગ્રેસ ઉમેદવારોની પ્રથમ યાદી જાહેર કરાશે.