CM રૂપાણી આજે મોરબીની ઊડતી મુલાકાતે રાજચંદ્ર મંદિરમાં કર્યા દર્શન

જામનગરઃ ગુજરાતના મુખ્યમંત્રી વિજયભાઈ રૂપાણી આજે મોરબીની ઊડતી મુલાકાતે આવ્યા હતા. જે દરમ્યાન તેમણે માળીયા મિયાણાના વવાણિયા ગામે આવેલ ભગવાન રાજચંદ્ર મંદિરમાં દર્શન કરી આશીર્વાદ લીધા હતા. આ તકે તેમણે ગઈ કાલે કોંગ્રેસ પ્રદેશ પ્રમુખ ભરતભાઇ સોલંકી દ્વારા પત્રકાર સાથેના દુર્વ્યવહારની આલોચના કરી હતી.

રાજ્ય ના મુખ્યમંત્રી વિજયભાઈ રૂપાણી આજે ખાસ હેલિકોપટર દ્વારા મોરબી જિલ્લાના માળીયા મિયાણા તાલુકાના વવાણિયા ગામે પહોંચ્યા હતા. ખાસ અહીં તેઓ આજે ભગવાન રાજચંદ્રના દર્શનાર્થે આવ્યા હતા વવાણિયા ગામે ખેતરમાં હેલિકોપટર ઉતારવા માટે બનાવયેલ હેલિપેડ ખાતે તેમણે 12 વાગ્યે ઉતરાણ કર્યું હતું. જ્યાં ભાજપના આગેવાનો દ્વારા તેમનું સ્વાગત કર્યું હતું. ત્યાંથી સીધા રાજચંદ્ર મંદિર ખાતે પહોંચ્યા હતા. અને મંદિરમાં ખાસ પ્રાર્થનાનો લાભ લીધો હતો તેમની સાથે તેમના પત્ની પણ જોડાયા હતા.

ત્યાર બાદ પત્રકારો સાથે વાત કરતા તેમણે આ જગ્યાને પાવન અને અલૌકિક ગણાવી હતી. ભગવાન રાજચંદ્રના જન્મસ્થળ એવા વવાણિયા આવવા નો મોકો મળ્યો એ માટે પોતાની જાત ને ધન્ય ગણાવી હતી. તો ગઈ કાલે પ્રદેશ કોંગ્રેસ પ્રમુખ ભરતભાઇ સોલંકી એ બોફર્સ કૌભાંડ વિશે ના સવાલ બાદ પત્રકાર સાથે કારેલ દુર્વ્યવહાર ને લોકશાહી માટે કમનસીબ ગણાવ્યો હતો.

તેમજ પત્રકારો ના દરેક સવાલ ના જવાબ જો પોતે સાચા હોય તો શાંતિથી આપવા જોઈએ એવું જણાવ્યું હતું. અહીં ભગવાન રાજચંદ્રના મંદિરે જ તેમણે પ્રસાદ લીધો હતો અને ત્યારબાદ ભાવનગર માટે રવાના થયા હતા.