સાવલીમાં બે જૂથ વચ્ચે અથડામણ દુકાનો અને બાઇકો સળગાવાઇ

વડોદરાઃ સાવલીમાં જૂથ અથડામણની ઘટના સામે આવી છે. સાવલીના વાકાનેર ગામમાં બે જૂથો અથડામણ થઈ છે. આ અથડામણ થતા બન્ને જૂથોના લોકોએ મળીને દુકાનો અને બાઈકો સળગાવી હતી. આ ઘટનાની જાણ થતા પોલીસ અને CRPFના જવાનો ઘટના સ્થળે આવી પહોચ્યા હતા. અને હાલમાં પોલીસ દ્વારા પરિસ્થિતિને કાબુમાં લેવાનો પ્રયાસ કરવામાં આવી રહ્યો છે. 

ઉલ્લેખનીય છે કે ગુજરાત વિધાનસભાની ચૂંટણી ચાલી રહી છે ત્યારે આ પ્રકારની ઘટના બનતા કોઇપણ પ્રકારનો અનિચ્છનીય બનાવ ન બને તેની પોલીસ અને સીઆરપીએફના જવાનો દ્વારા તકેદારી રાખવામાં આવી રહી છે. વધુ તપાસ હાથ ધરાઇ છે.