ચીન-પાકિસ્તાન ઇકોનોમિક કોરિડોરનું કામ બંધ 50 અરબ ડોલરની 3 યોજના માટે અટકાવ્યું ફંડ

ચીન પાકિસ્તાન ઈકોનોમિક કોરિડોર પર કામ હાલ રોકાઈ ગયું છે.ચીન અને પાકિસ્તાન વચ્ચે આર્થિક કોરિડોર હેઠળ 3 પરિયોજનાનું કામ ચાલતું હતું. જે સંપૂર્ણ રીતે ઠપ થઈ ગયું છે.

પાકિસ્તાનના યોજના અને વિકાસ મંત્રી અહેસાન ઈકબાલે કહ્યું કે ચીન તરફથી આ પ્રોજેક્ટ માટે ફંડ રિલીઝ કરવા પર પ્રતિબંધ લગાવવામાં આવ્યો છે. ચીનની મહત્વકાંક્ષી વન બેલ્ટ વન રોડ પરિયોજના હેઠળ જ ચીન પાક CPECને તૈયાર કરવામાં આવી રહ્યું છે. 

મંત્રીને સંસદીય સમિતિને જણાવ્યું કે ચીને એવું કારણ આપીને ફંડ રોક્યું છે કે ચીન આ ત્રણેય પ્રોજેક્ટના ફાઈનાન્સિયલ મેકેનિઝમની સમીક્ષા કરી રહ્યું છે. એક અખબારને સંસદિય સચિવે આપેલા નિવેદનમાં જણાવાયું છે કે પેઈચિંગથી મંજૂરી મળ્યા બાદ જ આ પ્રોજેક્ટ પર કામ ફરીથી શરૂ થશે.

સીપીઈસી હેઠળ ચીનના ઉઈગુરુ મુસ્લિમ બહુમત ધરાવતા શિનજિયાંગ પ્રાંતથી પાકિસ્તાનના ગ્વાદર પોર્ટને જોડવાની યોજના છે. આ યોજનામાં માર્ગ અને રેલવેના નેટવર્કને તૈયાર કરવાની સાથે ઉર્જા પરિયોજનાને પણ સ્થાપિત કરવાનું આયોજન છે.