VIDEO: ગ્વાદર બંદર વહી જવાની ચાઇનાને ભીતિ 40 ભૂસ્તરશાસ્ત્રીઓ દ્વારા કરાવ્યો સર્વે

વિશ્વ સામે ફુંફાડા મારવાનો કોશિશ કરી રહેલા ડ્રેગનને હવે ભૂકંપથી ડર લાગી રહ્યો છે.ડ્રેગનને ડર છે કે તેનું ગ્વાદર બંદરગાહ ભૂકંપમાં વહી જશે.એટલું જ નહીં પરંતુ ડ્રેગને પોતાની ભૂસ્તરશાસ્ત્રી આખી ટીમને સર્વેમાં લગાવી દીધી છે.

ચીન અને પાકિસ્તાનના અંદાજીત 40 જેટલા ભૂસ્તરશાસ્ત્રીઓ હાલના દિવસોમાં બલૂચિસ્તાનના મકરાન સર્વે પર લાગ્યા છે.ચીન તરફથી આ વિસ્તારમાં વિનાશક ભૂકંપ આવવાની આગાહી બાદ ચીનને વ્યૂહાત્મક રૂપથી મહત્વપૂર્ણ ગ્વાદર પોર્ટના બરબાદ થવાની આશંકા છે.

જેને લઈને ચીન આ વિસ્તારમાં સર્વે કરાવી રહ્યું છે.ભૂસ્તરશાસ્ત્રીઓના મતે મકરન એક એવો વિસ્તાર છે.જ્યાં બે ટેક્ટોનિક પ્લેટ મળે છે.આ વિસ્તાર ઊંડા સમુદ્રમાં બની રહેલા પાકિસ્તાનના ગ્વાદર પોર્ટની ખુબ નજીકમાં આવેલ છે.અને આ પોર્ટને ચીને 40 વર્ષ માટે લીઝ પર લીધું છે.  

મહત્વનું છે કે મકરાનનો આ વિસ્તાર ભૂકંપની આશંકા વાળા વિસ્તારમાંનો એક છે.જે પાછળનું કારણ છે કે અરબ સાગરની પાસે આ વિસ્તારમાં જમીનની અંદર બે પ્લેટ મળે છે.મકરાનના આ જ વિસ્તારમાં 70 વર્ષ પહેલા 1945માં સૌથી વિનાશક 8.1ની તીવ્રતાનો ભૂકંપ આવ્યો હતો.જે બાદ આ વિસ્તારમાં સુનામી આવી હતી.જેમાં ઓમાન પાકિસ્તાન ઈરાન અને ભારતના 4 હજાર જેટલા લોકોના મોત થયા હતા.

આપને જણાવી દઇએ કે ગત વર્ષે પણ આ વિસ્તારમાં જ રિક્ટર સ્કેલમાં 6.3ની તીવ્રતાનો ભૂકંપ આવ્યો હતો.એટલે કે જો 70 વર્ષનું ફરી પુનરાવર્તન થાય તો ચાઈનાએ ગ્વાગર બંદર ગુમાવવાનો વારો આવી શકે છે.સાથે જ ચીનની એશિયાથી લઈને આફ્રિકા અને યૂરોપ સુધી વ્યાપાર કરવાની યોજના પર પાણી ફેરવી શકે છે.