છોટાઉદેપુર: રૂ.300ના પગારે રખાયેલો રોજમદાર એવો બોગસ શિક્ષક ઝડપાયો

શિક્ષણની જવાબદારી જેના શિરે છે તેવા મુખ્ય શિક્ષકો તગડો પગાર મેળવીને પોતાની જવાબદારીનું પ્રામાણિકતાથી વહન કરતા નથી. છોટા ઉદેપુર જિલ્લાના નસવાડી તાલુકાની ઘોડા પ્રાથમિક શાળામાંથી રૂ.300ના પગારે રખાયેલો રોજમદાર એવો બોગસ શિક્ષક ઝડપાતાં શિક્ષણ અધિકારીએ તપાસ કરાવવાની ફરજ પડી  હતી. જો કે શાળાનો મુખ્ય શિક્ષક રમેશ ગોસ્વામીએ પણ આ બાબતે કબૂલાત કરી હતી.
 
શિક્ષણનું સ્તર સતત કથળતું જાય છે તેવામાં આવો કિસ્સો પ્રકાશમાં આવવો વાલીઓમાં ચિંતામાં વધારો કરનારો બને છે. જાગૃત એવા ઘોડા ગામના સરપંચ આવી બેદરકારીને નહી ચલાવી લેવાનું જણાવી રહ્યા છે.