ક્રિકેટમાં બેટ્સમેન નવા-નવા શોર્ટ્સ રમવાના પ્રયત્ન કરે છે. ધોનીનો હેલીકૉપ્ટર શૉટ હોય કે એ.બી.ડિવિલયર્સના અનોખા શોર્ટ્સ. દરેક કોઇ નવા શોર્ટ્સ રમી પોતાની અલગ ઓળખ બનાવે છે. તો કોઇ એક્સપરિમેન્ટના ચક્કરમાં આઉટ થઇ જાય છે અને મજાક પાત્ર બનાવી જાય છે. એક એવો જ શોર્ટ દેખવા મળ્યો જેનાથી એક પ્લેયરનો ખૂબ જ મજાક બન્યો. સોશ્યલ મીડિયા પર આ વીડિયો ખૂબ જ વાયરલ થઇ રહ્યો છે. તમને જણાવી દઇએ કેઆ શૉટ ફટકારવા માટેની પ્રયત્ન શ્રીલંકાના બેટ્સમેન ચમારા સિલ્વાએ કર્યો હતો.
કોલંબોના પી સારા ગ્રાઉન્ડ પર એમએએસ યૂનિશેલા અને તીજે લંકા વચ્ચે ક્લબ મેચ રમવામાં આવી હતી. બોલર જેવી બોલ ફેંકે છે કે ચમારા સિલ્વાએ પોતાની ક્રિજ છોડીને વિકેટના એકદમ પાછળ જતો રહે છે. તથા જ્યાં વિકેટકીપર ઉભો રહેતો હોય છે ત્યાંથી જ બોલને મારવાનો પ્રયાસ કરે છે. જોકે તેમના આ પ્રયાસમાં તે નિષ્ફળ રહે છે અને બોલ તેમની વિકેટને જઇને લાગે છે.
સિલ્વા પર શ્રીલંકા ક્રિકેટ બોર્ડે સપ્ટેમ્બરમાં 2 વર્ષનો પ્રતિબંધ મુકી દીધો હતો. તેમના પર મેચમાં નિયમોના ઉલ્લંઘન કરવાનો આરોપ છે. જોકે બાદમાં તેમને થોડી રાહત આપતા તેમને ઘર આંગણે રમાતી મેચોમાં રમવાની મંજૂરી આપવામાં આવી.