કાળુંનાણું રાખનારા સાવધાન! UPA સરકારના રિપોર્ટની મોદી સરકાર કરી રહી છે સમિક્ષા

UPA સરકારમાં બનેલી કાળા નાણાંની યાદીનું હાલ નાણાં મંત્રાલય  સમિક્ષા કરી રહ્યું છે. UPA સરકારે કાળુ ભારતમાં અને વિદેશમાં ધરાવનારા લોકોની યાદી તૈયાર કરી હતી અને 3 વર્ષ પહેલા જ સુપરત કરી હતી. આ સમગ્ર મામલાનો ખુલાસો RTI અંતર્ગત થયો છે. UPA સરકારે 3 રિપોર્ટ તૈયાર કર્યા હતા જે 30 ડિસેમ્બર 2013 18 જુલાઈ 2014 અને 21 ઓગસ્ટ 2014માં સરકારને સોંપવામાં આવ્યા હતા. 

વર્તમાન નરેન્દ્ર મોદી સરકાર મે 2014માં કેન્દ્રની સત્તા પર આવી છે. હાલ ત્રણેય રિપોર્ટની સરકાર સમિક્ષા કરી રહી છે. જો કે આ રિપોર્ટને સંસદમાં નથી મુકવામાં આવ્યા. બીજી તરફ દેશ અને વિદેશમાં કાળુ નાણું રાખનારા લોકોનો કોઈ અધિકારીક આંકડો સરકાર પાસે નથી.