યુવરાજ સિંહ વિરુદ્ધ ઘરેલૂ હિંસાનો કેસ થયો દાખલ

ક્રિકેટર યુવરાજ સિંહ અને એના પરિવારની વિરુદ્ધ ઘરેલૂ હિંસાનો કેસ દાખલ થયો છે. આ કેસ યુવરાજની ભાભી આકાંક્ષા શર્માએ દાખલ કર્યો છે. આકાંક્ષા બિગ બોસ 10ની કન્ટેસ્ટેન્ટ પણ રહી ચુકેલી છે. 

આકાંક્ષા શર્માની વકીલ સ્વાતી સિંહ મલિકે જણાવ્યું કે આકાંક્ષાએ પોતાના પતિ જોરાવર સિંહ સાસુ શબનમ સિંહ અને દિયર યુવરાજ સિંહ વિરુદ્ધ ઘરેલૂ હિંસાનો કેસ દાખલ કર્યો છે. આ બાબતની પહેલી સુનવણી 21 ઓક્ટોબરે થશે.

સ્વાતિ સિંહ મલિકે એવું પણ કહ્યું કે યુવરાજની માં શબનમે તાજેતરમાં જ આકાંક્ષા વિરુદ્ધ એક ફરિયાદ નોંધાવી હતી. જેમાં એમણે લગ્નમાં આપેલી જ્વેલરી અને સામાન પાછા માંગ્યા હતા. 

યુવરાજ સિંહ વિરુદ્ધ કેસ દાખલ કરવાના પ્રશ્ન પર આકાંક્ષા શર્માના વકીલે કહ્યું કે 'ઘરેલૂ હિંસાનો અર્થ માત્ર શારીરિક હિંસા નથી થતો. એનો અર્થ માનસિક અને આર્થિક ઉત્પીડન સાથે પણ થાય. યુવરાજ સિંહ પર પણ આ વાત લાગૂ પડે છે. જ્યારે આકાંક્ષા સાથે ખોટું થઇ રહ્યું હતું ત્યારે યુવરાજ ચૂપ રહ્યો.' એમણે કહ્યું કે જ્યારે આકાંક્ષાનો પતિ અને સાસુએની પર બાળક માટે દબાણ કરી રહ્યા હતા ત્યારે યુવરાજે પણ હાજિયો ભર્યો હતો.