અમદાવાદઃ આગામી વિધાનસભાની ચૂંટણી માટે ભાજપ દ્વારા બીજી વખત યાદી જાહેર કરવામાં આવી છે. ત્યારે કોંગ્રેસ દ્વારા દિલ્હીમાં બેઠક કર્યા બાદ ઉમેદવારોને ટેલિફોન કરીને જાણ કરવાનુ શરૂ કરવામાં આવ્યુ છે.
ઉમેદવારોને ફોન કરીને એફિડેવિટ સહિની કામગીરી શરૂ કરવા માટે સૂચના આપવામાં આવી છે. કોંગ્રેસ દ્વારા યાદી જાહેર કર્યા પહેલા ઉમેદવારોને ફોન કરીને સૂચના આપવામાં આવી છે. કોંગ્રેસ દ્વારા આજે ઉમેદવારોની લિસ્ટ જાહેર કરવામાં આવશે.
ઉલ્લેખનીય છે કે ગુજરાત વિધાનસભાની ચૂંટણીની તારીખને ગણતરીના દિવસો બાકી છે ત્યારે ભાજપે પોતાના ઉમેદવારોની બીજી યાદી જાહેર કરી છે. આ બીજી યાદીમાં ભાજપે 36 ઉમેદવારોના નામ જાહેર કર્યા છે. ત્યારે ભાજપે બન્ને યાદીમાં કુલ 106 ઉમેદવારોને જાહેર કરીને નવી જ ચાલ ચાલી લીધી છે.