કેલિફોર્નિયાના જંગલોમાં ભીષણ આગથી 40 નાં મોત રેસ્ક્યૂ ચાલુ

કેલિફોર્નિયાના જંગલોમાં ભીષણ આગ લાગી છે. આગ પર કાબૂ મેળવવા માટે પ્રયત્નો કરવા છતાં અત્યાર સુધી 40 નાં મોત થઇ ગયા છે. ઝડપી હવાના કારણે આગ પર કાબૂ મેળવવો મુશ્કેલ થઇ રહ્યો છે. કેલિફોર્નિયા ગવર્નરના ઇમરજન્સી કાર્યાલયના નિદેશક માર્ક ગિલારડુક્કીના જણાવ્યા અનુસાર બચાવ કાર્યમાં ઝડપ આવી છે પરંતુ અમે હજુ પણ આ આપાત સ્થિતિ માથી બહાર આવી શક્યા નથી. 

86 હજાર હેક્ટર્સમાં ફેલાયેલા ભૂપ્રદેશમાં લાગેલી આગને ઓલવવાનું કામ ચાલુ છે. 10 હજારથી વધારે ફાયર ફાયટર આગ ઓલવવાના કામમાં લાગેલા છે. અગ્નિ સુરક્ષા વિભાગના જણાવ્યા અનુસાર આગથી આશરે 5700 માળખાંનો નાશ થઇ ગયો છે. આગ ઓલવવા માટે એર ટેન્કરો અને હેલીકોપ્ટરની મદદ લેવામાં આવી રહી છે. 

કેલિફોર્નિયાના ઇતિહાસમાં અત્યાર સુધીની આ વિનાશકારી આગ કહેવામાં આવી રહી છે. ગવર્નર જેરી બ્રાઉને આગને સૌછી મોટી ટ્રેજેડી કહી છે. ખરાબ રીતે સળગેલી લાશોને ઓળખવા માટે ઇલેકટ્રોનિક માધ્યમોની મદદ લેવામાં આવી રહી છે.