ટેલિકૉંમ સેક્ટરની દિગ્ગજ કંપની જિયોને ટક્કર આપવા માટે BSNLએ ભારતમાં પોતાના પ્રીપેડ યૂઝર્સ માટે એક નવો 'Maximum' પ્લાન લોન્ચ કર્યો છે. આ પ્લાન હેઠળ યૂઝર્સને એક વર્ષ (365 દિવસ) માટે અનલિમિટેડ ડેટા અને 181 દિવસો માટે અનલિમિટેડ લોકલ અને STD વૉઇસ કૉલ મળશે. આ પ્લાનની કિંમત 999 રૂપિયા રાખવામાં આવી છે.
સૂત્રોનુસાર આ પ્રીપેડ પ્લાન નૉર્થ-ઇસ્ટ જમ્મૂ અને કાશ્મીર અને આસામ સિવાય આખા ભારતમાં લાગૂ કરવામાં આવ્યો છે. BSNLએ આ જાણકારી ટ્વિટર આપી છે. આ પ્લાનમાં અનલિમિટેડ ડેટા અને કૉલની સાથે SMSનો લાભ પણ યૂઝર્સને મળશે. જોકે 181 દિવસ પૂરા થવા પર આ પ્લાનમાં કેટલાક બદલાવ પણ આવશે.
આ પ્લાનના ડેટાની વાત કરવામાં આવે તો ગ્રાહકોને આ પ્લાનમાં દરરોજ 1GB હાઇ સ્પીડ ઇન્ટરનેટ મળશે જે પછી ડેટાની સ્પીડ 40kbps થઇ જશે. કૉલની જો વાત કરવામાં આવે તો લોકલ STD અને રોમિંગ કૉલ્સ ફ્રી રહેશે માત્ર દિલ્હી અને મુંબઇના સર્કલને સિવાય. જોકે દિલ્હી અને મુંબઇમાં વૉયસ કૉલની કિંમત 60 પૈસા પ્રતિ મિનિટ હશે. આ સાથે જ 181 દિવસ પર ઑન નેટ અને ઑફ નેટ માટે 60 પૈસા પ્રતિ દરથી ભુગતાન કરવાનું રહેશે.
આ જ રીતે જો SMSની વાત કરવામાં આવે તો પ્રતિદિવસ 100SMS મળશે જે પછી લોકલ SMS માટે 25 પૈસા અને નેશનલ SMS માટે 35 પૈસાની કિંમત ચૂકવવાની રહેશે.
તાજેતરમાં લૉન્ચ કરી હતી KOOL ઑફર:
જણાવી દઈએ કે કંપનીએ તાજેતરમાં જ યૂઝર્સ માટે KOOL ઑફર રજૂ કરી હતી. આ ઑફર પ્રીપેડ યૂઝર્સ માટે છે. આ પ્લાનની ખાસ વાત એ છે કે તેમાં કોઈ ડેઈલી લિમિટ નથી. આ ઉપરાંત અનલિમિટેડ કૉલિંગની સર્વિસ પણ મળી રહી છે. આ ઉપરાંત તેમાં રોમિંગમાં પણ અનલિમિટેડ કૉલિંગની સુવિધા મળી રહી છે. આ પેકમાં રોજના 100 ફ્રી SMS પણ આપવામાં આવી રહ્યા છે. 1099 રૂપિયાના આ પ્લાનમાં 3G ડેટા મળશે અને તેની વેલિડિટી 84 દિવસની છે.
રિચાર્જ પર કેશબેક આપી રહી છે કંપની:
આ ઉપરાંત કંપનીએ રિચાર્જ પર 50% કેશબેકની ઑફર પણ આપી છે. આ ઑફર અંતર્ગત 100 રૂપિયાનું રિચાર્જ કરવવા પર 50 રૂપિયાનું કેશબેક મળશે. મેક્સિમમ કેશબેક 75 રૂપિયા રહેશે. આ ઑફરનો લાભ લેવા માટે ફોન પરથી રિચાર્જ કરાવવું પડશે.