BSNLએ લોન્ચ કર્યો 499 રૂપિયામાં ફોન 1 વર્ષ સુધી મળશે વૉયસ કૉલ ઑફર

રિલાયન્સ જિયો અને એરટેલના સસ્તા ફોનને ટક્કર આપવા માટે હવે BSNLએ માત્ર 499 રૂપિયામાં Detel D1 ફિચર ફોન લોન્ચ કર્યો છે. ભારત સંચાર નિગમ લિમિટેડ (BSNL)એ દિલ્હીની મોબાઇલ નિર્માતા કંપની Detelની સાથે પાર્ટનરશિપ કરીને આ ફોન લોન્ચ કર્યો છે.

શું છે ઑફર્સ:

કંપનીએ દાવો કર્યો છે કે Detel D1 સૌથી સસ્તો ફિચર ફોન છે. આ ફોન પર કરાવવામાં આવતા પહેલા રિચાર્જની વેલિડિટી 365 દિવસોની છે. આ હેઠળ યૂઝર્સને 103 રૂપિયાનો ટૉક ટાઇમ પણ મળશે. જેમાં BSNLથી BSNL પર કોલનો દર 15 પૈસા પ્રતિ મિનિટ જ્યારે અન્ય નેટવર્ક પર કોલનો દર 40 પૈસા પ્રતિ મિનિટ રહેશે.

શું છે Detel D1ના ફિચર્સ:

આ ફિચર ફોનમાં 1.44 ઇંચની મોનોક્રોમ ડિસ્પ્લે આપવામાં આવી છે. ફિઝિકલ કીપેડ સાથે આ સિંગર સિમ ફોનમાં 650mAhની બેટરી છે. આ સિવાય તેમાં ટોર્ચ લાઈટ ફોનબૂક અને એફએમ રેડિયો જેવા ફીચર્સ આપવામાં આવ્યા છે.

BSNLના એક પ્રવક્તાએ લોન્ચિંગ દરમિયાન કહ્યુ કે ''અમે અમારા ગ્રાહકોને સસ્તી અને કુશળ સેવાઓ આપવા માટે પ્રતિબદ્ધ છીએ. અમારું લક્ષ્ય આખા દેશમાં અમારી પહોંચને મજબૂત કરવાનું છે. માટે આ સમજૂતી સાથે અમે મોબાઈલ ફોન ખરીદવાની ઈચ્છા રાખનારા લોકોની જરૂરિયાત પૂર્ણ કરવા ઈચ્છીએ છીએ.''

તમને જણાવી દઇએ કે તાજેતરમાં BSNLએ માઇક્રોમેક્સની સાથે પાર્ટનરશિપ કરીને 'ભારત 1' 4G ફિચર ફોન પણ લોન્ચ કર્યો હતો.  આ ફોનની કિંમત 2 200 રુપિયા છે. આ ફોન 22 ભારતીય ભાષાઓને સપોર્ટ કરે છે. ભારત 1માં એક 2.4 ઈંચની QVGA ડિસ્પ્લે છે. જેમાં ક્વાલકોમ સ્નેપડ્રેગન 205 પ્રોસેસર છે જેમાં 512MB રેમ છે અને 4GBની ઈન્ટર્નલ સ્ટોરેજ છે. જેમાં 2000mAhની બેટરી છે. 4G VoLTE ફોનમાં 2MP પ્રાઈમરી અને VGA સેલ્ફી કેમેરા છે.