BSNLએ સસ્તા કર્યા પ્લાન, હવે માત્ર આટલા રૂપિયામાં મળશે અનલિમિટેડ ડેટા-કૉલિંગ

By : juhiparikh 12:44 PM, 12 January 2018 | Updated : 12:44 PM, 12 January 2018

જિયો, એરટેલ, વોડાફોન અને આઇડિયાને ટક્કર આપવા માટે BSNLએ પણ પોતાના પ્લાન્સ સસ્તા કરી દીધા છે. BSNLએ 186, 187, 349, 429, 485 અને 666 રૂપિયાના પ્લાનમાં ડેટાની લિમિટ વધારી દીધી છે, જેમાંથી એક પ્લાનની વેલિડિટી 129 દિવસની છે. સાથે જ હવે BSNLના તમામ પ્લાન્સમાં અનલિમિટેડ કૉલિંગની સુવિધા ફ્રી આપવામાં આવશે. આ સિવાય દરરોજ 100 SMS પણ ફ્રી આપવામાં આવશે.

186 અને 187 રૂપિયાના પ્લાનમાં યૂઝરને 28 દિવસની વેલિડિટીની સાથે દરરોજ 1GB ડેટા આપવામાં આવશે. ત્યારે 349 રૂપિયાના પ્લાનમાં પણ યૂઝરને દરરોજ  1GB ડેટા આપવામાં આવશે. આ પ્લાનની વેલિડિટી 54 દિવસોની છે. આ સિવાય કંપનીના 429 રૂપિયાના પ્લાનમાં દરરોજ 1GB ડેટા આપવામાં આવી રહ્યો છે. જ્યારે આ પ્લાનની વેલિડિટી 81 દિવસની છે. કંપનીએ 485 રૂપિયાના પ્લાનમાં યૂઝરને દરરોજ 1.5GB ડેટા આપવામાં આવશે, જેની વેલિડિટી 90 દિવસની છે. ત્યારે કંપનીએ 666 રૂપિયાના પ્લાનમાં 129 દિવસની વેલિડિટીની સથે યૂઝરને દરરોજ 1.5GB ડેટા આપશે.

રિલાયન્સ જિયોએ તાજેતરમાં જ પોતાના પ્લાન્સની કિંમતમાં 25% સુધીનો ઘટાડો કર્યો છે. જિયો હવે 149 રૂપિયાના પ્લાનમાં યૂઝરને દરરોજ 1GB ડેટા આપી રહ્યુ છે. આ સિવાય અનિલિમિટેડ કૉલિંગની સુવિધા પણ આપવામાં આવી રહી છે. જિયોના આ પ્લાનની વેલિડિટી 28 દિવસની છે, જેમાં દરરોજ હાઇ સ્પીડ ઇન્ટરનેટની લિમિટ પૂરી થયા પછી ઇન્ટરનેટ તો અનલિમિટેડ મળશે પરંતુ સ્પીડ ઘટીને 64kbps થઇ જશે.

ત્યારે બીજી તરફ જિયોને ટક્કર આપવા માટે ભારતી એરટેલે પોતાના 199 રૂપિયાના પ્લાનમાં દરરોજ 1GB ડેટા, અનલિમિટેડ STD, લોકલ અને રોમિંગમાં કૉલિંગની સુવિધા આપી રહી છે.સાથે જ યૂઝરને દરરોજ 100 SMS ફ્રી આપવામાં આવી રહ્યા છે. આ પ્લાનની વેલિડિટી 28 દિવસોની છે. પહેલા એરેલના આ પ્લાનમાં એક મહિના માટે 1GB ડેટા મળતો હતો.

વોડાફોનના 458 રૂપિયાના પ્લાનમાં હવે 84GB ડેટા મળશે. આ પ્લાનની વેલિડિટી 84 દિવસની છે. આ સિવાય પ્લાનમાં લોકલ, STD અને રોમિંગમાં અનલિમિટેડ કૉલિંગની સુવિધા મળી રહી છે. આ સાથે જ પ્લાનમાં 100 SMS પણ ફ્રી મળી રહ્યા છે. આ પહેલા આ પ્લાનમાં 70 દિવસની વેલિડિટી હતી. આ સિવાય કંપનીના 509 રૂપિયાના રિચાર્જમાં હવે 91GB ડેટા મળશે. આ પ્લાનની વેલિડિટી 91 દિવસની હતી, 



loading...

Recent Story

Popular Story