VIDEO:બ્રાઝીલની નાઇટ ક્લબ ગોળીઓના અવાજથી ધણધણી ઉઠી 14ના મોત

બ્રાઝિલના ફોર્ટાલેજાની એક નાઇટ ક્લબમાં મોડી રાત્રે થયેલી ફાયરિંગમાં 14 લોકોના મોત થયા છે.તો ઇજાગ્રસ્ત લોકોને ગંભીર હાલતમાં હોસ્પિટલમાં ભરતી કરવામાં આવ્યા છે.ઘાયલોની સંખ્યાની જાણકારી મળી નથી. હુમલો કરનારા શંકાસ્પદ વ્યકિતની પોલીસ ધરપકડ કરી શકી નથી.

હુમલાખોરો ત્રણ કારમાં સવાર થઇને આવ્યા હતા.અને નાઇટક્લબ પહોચ્યા બાદફાયરિંગ શરૂ કરી દીધી હતી.તેમણે 30 મિનિટ સુધી સતત ફાયરિંગ કરેલ.

ઉલ્લેખનીય છે કે આ ઘટના સંદર્ભમાં હજુ સુધી કોઈની ધરપકડ કરાઈ નથી. અલબત્ત નજરે જોનારાઓએ જણાવ્યું હતું કે ત્રણ કારમાં હુમલાખોરો 12.30 વાગે નાઈટ કલબ પહોંચ્યા હતા અને અડધા કલાક સુધી ગોળીબાર કર્યો હતો.

આપને જણાવી દઇએ કે અન્ય દેશોની સરખામણીએ બ્રાઝિલમાં આવી ઘટનાઓનું પ્રમાણે ઉચું છે અને બ્રાઝીલમાં છેલ્લા કેટલાક સમયગાળાથી માનવહત્યાકાંડની ઘટનાઓ ઘટે છે.ત્યારે ફરીવાર આ ઘટના બનતા સ્થાનિક તંત્રએ તપાસ હાથ ધરી હતી.