દક્ષિણ આફ્રિકાના ભૂતપૂર્વ બોલરને મહિલા પર બળાત્કાર કરવાના આરોપસર ૧૮ વર્ષની સખત કેદ

ક્રિકેટને જેન્ટલમેનની રમત રહેવામાં આવે છે પરંતુ દક્ષિણ આફ્રિકાના એક ભૂતપૂર્વ બોલર ડિયોન ટેલજર્ડે ક્રિકેટની રમતને કલંકિત કરવાનું કામ કર્યું છે. પાકિસ્તાન સામે હેટ્રિક લેનારા ટેલજર્ડને એક મહિલા સાથે ઘણી બધી વાર બળાત્કાર કરવાના આરોપસર ૧૮ વર્ષની સખત કેદની સજા ફટકારવામાં આવી છે. ટેલજર્ડને બળાત્કારના ૧૯ કાઉન્ટમાં દોષી ઠેરવવામાં આવ્યો છે. તેના પર બે વાર મહિલા પર ગંભીર યૌન ઉત્પીડન કરવાનો આરોપ પણ સાબિત થયો.

પીડિત મહિલાએ ન્યાયિક અધિકારીઓ સામે નિવેદન આપ્યું હતું કે ”૧૦ વર્ષ (૨૦૦૨થી ૨૦૧૨) સુધી ટેલજર્ડે મારા પર ૧૫૦ વાર બળાત્કાર કર્યો. આ દરમિયાન તેણે ઘણી ધમકીઓ પણ આપી હતી. ઘણી વાર હું આત્મહત્યા કરવાનું મન બનાવી ચૂકી હતી.” ૨૦૧૫માં યુવતીને તક મળી ગઈ અને તેણે પોલીસને ફોન કરી દીધો હતો. ન્યાયાધીશ મોરિસ ગ્રીને ૧૮ વર્ષની સજા સંભળાવતા ડિયોનને કહ્યું ”તેં પીડિતા સાથે ઘણી વાર હિંસા અને બળાત્કાર કર્યો. તે યુવતીને ગંદા મેસેજ મોકલતો હતો.”

ફેબ્રુઆરી-૧૯૯૮માં પૂર્વ લંડનના બફેલો પાર્કમાં પાકિસ્તાન સામેની મેચમાં ડિયોને ૪૯ રનમાં કુલ છ વિકેટ ઝડપી હતી જેમાં યુસુફ યોહાના અઝહર મહેમૂદ અને સઈદ અનવરની વિકેટ હેટ્રિકના રૂપમાં હતી. ડિયોનની સફાઈઃ ત્રણ બાળકોના પિતા એવા ડિયોન ટેલજર્ડે પોતાના પર લાગેલા બધા આરોપો નકારી કાઢ્યા છે. ઘરેલુ ક્રિકેટમાં પ્રથમ શ્રેણીની ૨૫ મેચ રમી ચૂકેલા ૪૭ વર્ષીય ડિયોને કહ્યું કે ”મને ખોટું બોલીને ફસાવવામાં આવ્યો છે.”