હાજીઅલી દરગાહ સાથે જોડાયેલ આ રહસ્ય તમને ખબર છે..?

હાજીઅલી મુંબઇની અનેક જાણીતી જગ્યાઓ પૈકીની એક ખાસ જાણીતી જગ્યા છે.મુંબઇના ગ્રાંન્ટ રોડ ઉપનગરના સમુદ્રની મધ્યમાં આવેલ આ જગ્યા છે.

આ દરગાહ આરસના પત્થરોથી બનેલ છે.આ જગ્યાએ દેશ-વિદેશથી લોકો ફરવા માટે આવે છે.તથા આ સ્થળે ફિલ્મોનું શુટિંગ પણ અનેકવાર કરવામાં આવે છે.

હાજીઅલીના દિદાર કરવા આવતા તમામ લોકોની અપેક્ષા હાજીઅલી અચુક પુર્ણ કરે છે.હાજીઅલી હિંદૂ-મુસ્લીમ દરેક લોકોની આસ્થાનું પ્રતિક છે. રોજેરોજ અહીં મોટી સંખ્યામાં ભક્તો હાજીઅલી બાબાના દર્શન કરવા આવી પહોંચે છે.

ઉનાળાંમાં આ જગ્યા વિશેષ રૂપથી સુંદર દેખાય છે.સમુદ્રનું પાણી દરગાહથી થોડું દૂર સરકી જતાં દરિયાઇ પત્થરોથી ઘેરાયેલ આ જગ્યા ખુબ જ સુંદર લાગે છે.ઉનાળાની સાંજે અહીં આવતી ઠંડા પવનોની લહેર દર્શકનું મન મોહી લે છે.

દરગાહ સુધી પહોંચતા રસ્તામાં મિઠાઇની અને ફૂલો અને ચાદરની દૂકાનો આવે છે.જ્યાંથી પ્રસાદની ખરીદી કરીને તે પ્રસાદ બાબાને ધરાવવામાં આવે છે.બાબા હાજીઅલીને ધરાવવામાં આવેલ પ્રસાદને ધરાવ્યા બાદ તેને સિન્ન તરીકે ઓળખવામાં આવે છે.

દરગાહમાં આવેલ વૃક્ષો સુંદરતા વધારે છે અને ખાસ આ વૃક્ષો પર શ્રધ્ધાળુઓ મન્નતના દોરા બાંધીને પરત ફરે છે અને જ્યારે તેમની ઇચ્છા પુરી થાય ત્યારે આસ્થાળુઓ તે દોરાને વૃક્ષથી અલગ કરે છે.

આ સ્થળે પ્રવેશતા જ કવાલીના સુર રેલાવતા ગાયકો અચુક નજરે પડે છે.

આ સ્થળની એક વિશેષતા એ છે કે ભક્તો દ્વારા મુકવામાં આવેલ ભેટ સ્વરૂપની રોકડની ક્યારેય ગણતરી કરવામાં આવતી નથી અને તે સિક્કાઓને અલગ-અલગ કરીને એક બોરીમાં ભરી તેના પર સિલાઇ કરીને લટકાવી દેવામાં આવે છે.મુંબઇ જવાનું થાય તો અચુક આ સ્થળની મુલાકાત લેવી જોઇએ.