ભાજપના રાષ્ટ્રીય ઉપાધ્યક્ષની ગુજરાત મુલાકાત નવ ભારત અભિયાન શરૂ

રાષ્ટ્રીય ભારતીય જનતા પાર્ટી દ્વારા સમગ્ર દેશ માં નવ ભારત નિર્માણના નવીન સૂત્ર સાથે અભિયાન શરુ કર્યું છે ત્યારે ભારતીય જનતા પાર્ટી ના રાષ્ટ્રીય ઉપાધ્યક્ષ ઓમ માથુર આજે મહેસાણા આવી પહોંચ્યા હતા.મહેસાણા પધારેલા ઓમ માથુર એ દ્વારા નવા ભારત નિર્માણ કાર્યક્રમ હેઠળ દિવસ દરમ્યાન યુવાઓ સાથે ગોષ્ઠી પ્રબુદ્ધ નાગરીકો સાથે બેઠક દલિત પરિવાર ના ત્યાં ચા-પાણી અને સ્વચ્છતા અભિયાન જેવા વિવિધ કાર્યક્રમો માં હાજરી આપી હતી.

ભારત છોડો આંદોલન ની પંચોતેર વર્ષ પુરા થયા છે ત્યારે રાષ્ટ્રીય ભારતીય જનતા પાર્ટી એ ઉજવણી ના ભાગરૂપે “ નવા ભારત નિર્માણ “ હેઠળ અભિયાન હાથ ધર્યું છે.આ નવીન અભિયાન માં પ્રધાન મંત્રી નરેન્દ્ર મોદી એ સંકલ્પ થી તમામ સિધ્ધિઓ મેળવી શકાતી હોવાની વાત ને વાચા આપવા “ સંકલ્પ થી સિદ્ધિ “ નામ નું નવીન સૂત્ર આપ્યું છે.આ પ્રધાનમંત્રી ના સૂત્ર “ સંકલ્પ થી સિદ્ધિ” ને સાકાર કરવા પ્રથમ યુવાઓ સાથે ગોષ્ઠી પ્રબુદ્ધ નાગરીકો સાથે પરામર્શ કરી સંકલ્પ લેવા આહવાહન કર્યું હતું.

નવા ભારત ના નિર્માણ અભિયાન માં પ્રત્યેક નાગરિક રાષ્ટ્રહીત માં નવીન સંકલ્પ કરે એ માટે રાષ્ટ્રીય ઉપાધ્યક્ષ ઓમ માથુર એ સંકલ્પ લેવા આહવાહન કર્યું હતું.આ નવીન અભિયાન અંતર્ગત તેમના દ્વારા નિવેદન કરવા માં આવ્યું હતું કે  અભિયાન ને ચુંટણી લક્ષી ગણવા ના જોઈએ અને ૨૧મી સદી ભારત ની સદી છે એ આહવાહન સાથે અભિયાન શરુ કરાયું છે.

ગુજરાત માં એક તરફ વિધાનસભા ચુંટણી ના પડઘમ વાગી રહ્યા છે ત્યારે ભારતીય જનતા પાર્ટી આ “નવા ભારત નિર્માણ “ ના નવીન અભિયાન સાથે ગુજરાત માં ચુંટણી લક્ષી અભિયાન શરુ કરી દીધું છે.જોકે હાલ ના તબક્કે ભાજપ ના નેતા આ કાર્યક્રમ ચુંટણી લક્ષી હોવાનો ઇનકાર કરી લોકો સાથે સીધો સંપર્ક કરવા નો પ્રયાસ શરુ કરાયો છે.