ગાંધીનગર: કલોલ ભાજપના ઉમેદવાર અતુલ પટેલ કાર્યકરો સાથે પ્રચાર કરી રહ્યા છે આ વખતે કલોલની જનતા બદલાવ ઈચ્છી રહી છે.
છેલ્લા 10 વર્ષથી કોંગ્રેસના ધારાસભ્યા છે જને આ વખતે કલોલની જનતા જાકારો આપશે..છેલ્લા 5 વર્ષમાં વિકાસના કોઈ કામો થયા નથી.
ઉલ્લેખનીય છે કે ગુજરાત વિધાનસભાની ચૂંટણીના બીજા તબ્બકાનું મતદાન આગામી 14 તારીખના રોજ યોજાવાનું છે ત્યારે ભાજપ કોંગ્રેસના ઉમેદવારોએ આ જંગ જીતવા માટે પોતાના મત વિસ્તારમાં ફરીને જનસંપર્ક અભિયાન હાથ ધર્યું છે. ત્યારે આજે ગાંધીનગર જિલ્લાની કલોલ બેઠકના ઉમેદવાર અતુલ પટેલે પોતાના મત વિસ્તારમાં પ્રચાર કર્યો હતો.
ભાજપની કલોલ બેઠકના ઉમેદવાર અતુલ પટેલે મીડિયા સાથે કરેલ વાતચીતમાં આ વખતે કલોલ બેઠક પર ભગવો ધ્વજ અચૂક લહેરાશે તેવો વિશ્વાસ વ્યક્ત કર્યો હતો.
આ સાથે કોંગ્રેસના ઉમેદવાર પર પ્રહાર કરતા જણાવ્યું હતું કે છેલ્લા 10 વર્ષમાં કોંગ્રેસના ધારાસભ્યે કોઈ પ્રકારનો વિકાસ કર્યો નથી. આ વખતે કલોલની જનતા જરૂર ભાજપને જીતડશે તેવી આશા વ્યક્ત કરી હતી.