ગુજરાત વિધાનસભાની ચૂંટણી માટે ભાજપે ઉમેદવારોની પ્રથમ યાદી જાહેર કરી દીધી છે. જેમાં કોંગ્રેસ સાથે છેડો ફાડીને ભાજપમાં જોડાયેલા 5 ઉમેદવારને ભાજપે ટિકિટ આપી છે.
આ પાંચેય ઉમેદવારના નામ પર નજર કરીએ તો જામનગર ગ્રામિણ બેઠક પર રાઘવજી પટેલ જામનગર ગ્રામીણ બેઠક પર ધર્મેદ્રસિંહ જાડેજા ઠાસરા બેઠક પર રામશસહ પરમાર ગોધરા બેઠક પર સી.કે. રાઉલજી બાલાસિનોર બેઠક પર માનસિંહ ચૌહાણને ટિકિટ આપવામાં આવી છે.
ઉલ્લેખનીય છે કે ચૂંટણીની તારીખ નજીક છે. ભાજપે પોતાના 70 ઉમેદવારના નામ જાહેર કરી દીધા છે. જેમાં કોંગ્રેસ સાથે છેડો ફાડી બાજપમાં જોડાયેલ પાંચ ધારાસભ્યોને ભાજપે ટિકિટ આપી છે.
બીજીબાજુ આગામી વિધાનસભાની ચૂંટણી માટે ઉમેદવારોના નામ જાહેર કર્યા બાદ ભાજપના યુવા મોર્ચાના મહામંત્રી અનિલ જૈને નિવેદન આપ્યુ છે કે આ 70 બેઠકો પર ભાજપની જીત થશે અને આ ચૂંટણીમાં ભાજપને 150 થી વધુ બેઠકો પર જીત મળશે. ત્યારે હવે યુવા મોર્ચાના કાર્યકર્તાઓ દ્વારા એક અભિયાન શરૂ કરવામાં આવશે અને આ અભિયાનના ભાગરૂપે કાર્યકર્તાઓ બુથ સુધી જઈને ભાજપના કાર્યો વિશે લોકોને માહિતી આપવામાં આવશે.