મહેસાણા: શહેર નગરપાલિકામાં સામાન્ય સભામાં વિવાદ સર્જાયો છે. 6 માસથી બળવાખોર જૂથ ભાજપ સાથે મળીને સત્તા પર હતું. એ જ જૂથ હવે પરત કોંગ્રેસમાં જતુ રહ્યું છે. બહુમતિ મેળવ્યા વિના જ કમિટીઓમાંથી ભાજપના નગરસેવકોને દૂર કરાયા છે. ત્યારે ભાજપે આક્ષેપ કર્યો કે કોંગ્રેસે કાયદાને નેવે મુકીને સત્તા કબજે કરી છે.
મહત્વનું છે કે પોણા ત્રણ માસ બાદ મહેસાણા નગરપાલિકાની સાધારણ સભા મળી હતી. જેમાં કોઈપણ પ્રકારની બહુમતિ મેળવ્યા વિના જ કોંગ્રેસે ફરી એકવાર સત્તા કબજે કરી લીધી હતી. તો ભાજપે આક્ષેપ કર્યો છે કે કોઈપણ કાયદા વિના જ ભાજપ હસ્તકની સમિતિઓ કોંગ્રેસે મેળવી લીધી છે.
વળી સાધારણ સભાના એજન્ડામાં રૂપિયા 5 કરોડની જમીન કોઈપણ પ્રકારની કાયદેસર પ્રક્રિયા વિના જ આપી કૌભાંડ આચર્યું હોવાનો આક્ષેપ કર્યો છે.