બાળકોને સંસ્કારી બનાવવા BHU પ્રોફેસરે બનાવી 'હર હર મહાદેવ' APP

લખનૌઃ વારાણસીની બનારસ હિન્દૂ યૂનિવર્સિટીના ઇંસ્ટીટયૂટ ઓફ મેડિકલ સાયન્સે આપત્તિજનક કંટેન્ટને અટકાવવા માટે એક એપ બનાવી છે. અને આ એપનું નામ 'હર હર મહાદેવ' રાખવામાં આવ્યું છે. જે મોબાઇલમાં પોર્ન જોવાના પ્રયાસ દરમિયાન સાઇટને બ્લોક કરતા ફિલ્ટરની જેમ કામ કરશે.

એપને બનાવનાર IMSના ન્યૂરોલોજિસ્ટનું કહેવું છે કે આ એપએ પોર્ન સાઇટને ફોનમાં બ્લોક કરે છે. જ્યાં પોર્ન કે આપત્તિજનક કંટેંટ ઉપલબ્ધ હોય છે. જો કોઇ ફોનમાં આ એપ અપલોડ કરી લેશે. અને ત્યારબાદ તે પોર્ન સાઇટ જોવાનો પ્રયાસ કરશે તો આ એપ સાઇટ બ્લોક કરીને તે દરમિયાન ભજન પ્લે કરી દેશે.

ન્યૂરોલોજર ડૉ. વિજય નાથ મિશ્રાનું કહેવું છે કે જો કોઇ પોતાના ફોનમાં આપત્તિજનક કંટેંટ આવે તેવું નથી ઇચ્છતા તેમના માટે આ એપ ઘણી મહત્વની સાબિત થવાની છે. આ એપને બનાવવા માટે 6 મહિનાનો સમય લાગ્યો છે. અને આ એપમાં 3800 સાઇટ્સને બ્લોક કરવાનું ફિચર નાખવામાં આવ્યું છે. BHU પ્રોફેસરે આ એપ વિદ્યાર્થીઓને સંસ્કારી બનાવવા માટે બનાવી છે.