ભાવનગર: સમગ્ર રાજ્યમાં ઠંડીનો ચમકારો વધતાની સાથે જ તસ્કરો પણ બેફામ બન્યા છે ત્યારે આજે તસ્કરોના હાથે ભાવનગરનું એક ATM લાગ્યું હતુ.
આ બનાવની વિગત એમ છે કે ભાવનગરના ભરચક રહેતાં પાનવાડી વિસ્તારમાં દેનાબેંક આવેલી છે અને તેની બાજુમાં જ બેંક દ્વારા મુકવામાં આવેલ ATM મશીન આવેલ છે. ત્યારે ગત મધરાતે અહીં તસ્કરો ત્રાટક્યા હતા.
આ તસ્કરોએ બેંકની બહાર રાખવામાં આવેલા CCTV તોડીને ATMમાં ઘુસ્યા હતા. આ સાથે જ તેમણે ATM મશીન ઉપર રહેલા CCTV પણ તોડીને પૈસાની ચોરી કરી હતી.
આ ઘટના બાદ ATMની બાજુમાં આવેલી એક દુકાનના CCTV ચેક કરાતા તસ્કરો આખું શરીર કપડાં વડે ઢાંકીને આવ્યા હોવાનું માલુમ પડ્યું હતું. આ ઘટનાની જાણ તાત્કાલીક અસરથી નજીકના પોલીસ મથકે કરવામાં આવી હતી.
જો કે બેંકના મેનેજર સાથે કરેલ વાતચીત દરમિયાન તેમણે જણાવ્યું હતું કે પૈસા મુકવા આવનાર એજન્સીએ કેટલી રકમ ATM માં મુકી છે તે જે-તે એજન્સીના અધિકારી સાથે વાતચીત કર્યા બાદ જાણવા મળશે કે કેટલી રકમની ચોરી થઇ છે.
ભાવનવગર ખાતે બનેલ આ બનાવને પગલે ATM ની આસપાસના લોકો પાસેથી VTV દ્વારા તપાસ કરાતાં ધ્યાને આવ્યું હતું કે આ ATMમાં કોઇ ચોકીદાર રાખવામાં આવેલ નથી. જો કે આ ઘટના બાદ પોલીસ પણ હરકતમાં આવી ગઇ હતી અને આ તસ્કરોને પકડવા ચક્રો ગતિમાન કર્યા હતાં.