ભાવનગરઃ ગુજરાતમાં નવી સરકાર બની ગઇ છે. જેમાં ગુજરાતના મુખ્યમંત્રી નાયબ મુખ્યમંત્રી અને તેના મંત્રીમંડળે શપથગ્રહણ કર્યા હતા. જેમાં રૂપાણીની ટીમમાં ભાવનગર જિલ્લાના બે ધારાસભ્યોનો રાજ્યકક્ષાના મંત્રી મંડળમાં સમાવેશ થયો છે. જેને લઇ જિલ્લામાં આનંદની લાગણી છવાઇ હતી. મંત્રીમંડળમાં સમાવિષ્ટ બંને ધારાસભ્યોને કાર્યકરો-શુભેચ્છકો દ્વારા શુભેચ્છાઓ પાઠવવામાં આવી હતી.
નવી સરકારના મંત્રીઓનો શપથ વિધી સમારંભ દબદબાભેર ઉજવાયો હતો. જેમાં ભાવનગર જિલ્લામાંથી બે ધારાસભ્યનો સમાવેશ થયો હતો. ભાવનગર પૂર્વના ધારાસભ્ય વિભાવરી દવે તથા ભાવનગર ગ્રામ્યના ધારાસભ્ય પરશોત્તમ સોલંકીએ રાજ્યકક્ષાના મંત્રી તરીકે શપથ લીધા હતા.
ઉલ્લેખનીય છે કે ઉત્તર ગુજરાતમાંથી 3 ધારાસભ્યને મંત્રી પદ અપાયું છે. અમદાવાદ શહેર અને જિલ્લામાંથી 3 મંત્રી સૌરાષ્ટ્ર કચ્છમાંથી 6 ધારાસભ્ય દક્ષિણ ગુજરાતમાંથી 5 અને મધ્ય ગુજરાતમાંથી 2 ધારાસભ્યને મંત્રી પદમાં સ્થાન અપાયું છે. જ્યારે ગાંધીનગર સાબરકાંઠા સુરેન્દ્રનગર દ્વારકા પોરબંદર જૂનાગઢ આણંદ ખેડા મહિસાગર વડોદરા અને નર્મદા જિલ્લામાંથી કોઈ પણ ધારાસભ્યને મંત્રી પદ સોંપાયું નથી.