ભાવનગરમાંથી નકલી ચલણી નોટો ઝડપાઇ છે. 500 અને 2 હજારના દરની રૂ. 9 લાખની કિંમતની નોટો ઝડપાઇ છે. SOG અને વલ્લીભીપુર પોલીસની સંયુકત કામગીરીથી ઓપરેશન પાર પડયું હતું.
ઉલ્લેખનીય છે કે ભાવનગરની SOG ના કર્મીઓ અને વલ્લભીપુરની સ્થાનીક પોલીસ દ્વારા આ ઓપરેશનનો પર્દાફાશ કરવામાં આવેલ આ ઓપરેશનમાં 4 લોકો સાથે કેટલાક મોબાઇલ અને એક બાઇક સહિતનો મુદ્દામાલ ઝડપી પાડવામાં આવેલ.
પોલીસ દ્વારા પાર પાડવામાં આવેલ આ ઓપરેશનમાં 500ના દરની 179 અને 2 હજારના દરની 439 નોટો ઝડપાઇ હતી.આ ઘટનાને પગલે ગેરકાયદેસર પ્રવૃત્તિ કરતા લોકોમાં ભયનો માહોલ જોવા મળ્યો હતો.તો જે નોટ પર ભારત સરકારે કાયમી પ્રતિબંધ મુકેલ છે તેવી નોટ અને તાજેતરમાં જ માર્કેટ આવેલ 2000 ની કિંમતની નકલી નોટો મળી આવતા કેટલાય તર્ક-વિતર્ક સર્જાયા છે.
પોલીસ દ્વારા આ ઘટનાની ગંભીર નોંધ લઇને નોટનો ઉપયોગ શું કરવાના હતા તથા અન્ય કોણ વ્યક્તિઓ આવી ગેરકાયદેસર પ્રવૃતિ કરી રહ્યું છે તે અંગે તપાસ હાથ ધરી છે.