ભાવનગર મહાનગરપાલિકા દ્વાર આજે ભાવનગરમાં ફન સ્ટ્રીટનું આયોજન કર્યું હતું જેમાં ભાવેણાવાસીઓ મોટી સંખ્યામા ઉમટ્યા હતા અને મુક્તમને આનંદ માણ્યો હતો.ભાવનગર મહાનગરપાલિકા દ્વાર યોજાયેલ આ કાર્યક્રમ બાળકો યુવકો અને યુવતીઓ પણ મોટી સંખ્યામાં જોડાઈ હતી.
આ કાર્યક્રમમાં સ્કેટિંગ ગરબા સાંસ્કૃતિક કાર્યક્રમો વેસ્ટર્ન ડાન્સ તેમજ યુવકોએ પોતાના શરીરનું કૌશલ્ય પણ રજૂ કર્યું હતું.અહીં ખાણી-પીણીના સ્ટોલ પણ રાખવામાં આવ્યા હતા.
ભાવનગર ખાતે યોજાયેલ આ કાર્યક્રમમાં અનેક જાણીતા ગુજરાતી ગાયકો તેમજ આર્ટીસ્ટો એ પણ પોતાની કલા રજૂ કરી હતી ભાવનગરવાસીઓ માંટે યોજયેલ આ કાર્યક્રમમાં વડાપ્રધાનના સ્વચ્છ ભારતના અભિયાનને સફળ બનાવવા અને ભાવનગર ને ગંદકી મુકત કરવા પણ આહવાન કરવામાં આવ્યું હતું.
ઉલ્લેખનીય છે કે રાજ્યના કેટલાય જિલ્લામાં સરકાર દ્વારા ફનસ્ટ્રીટનું આયોજન કરવામાં આવતુ હોય છે.ત્યારે તાજેતરમાં ભાવનગર મહાનગર પાલિકા દ્વારા આ ખાસ કાર્યક્રમનું આયોજન કરવામાં આવેલ જેને પગલે લોકો મોટી સંખ્યામાં હાજર રહ્યા હતા અને પોતાની અંદર છૂપાયેલ કળાને લોકો સમક્ષ પ્રગટ કરી હતી.