અમદાવાદઃ ગુજરાત વિધાનસભા ચૂંટણી ભાજપ અને કોંગ્રેસ માટે સાખ બની ગઈ છે. ત્યારે વરુણ પટેલ અને રેશ્મા પટેલ બાદ નરેદ્ર પટેલ ભાજપમાં જોડાયા. અને બાદમાં નાટ્યાત્મક રીતે ભાજપ અને વરુણ પટેલ પર એક કરોડની ઓફર આપ્યાની અને 10 લાખ રોકડ આપ્યાનો આરોપ લગાવ્યો. હજી આ ઘટનાક્રમને 12 કલાક પણ નહોતા વિત્યા ત્યાં 15 દિવસ અગાઉ ભાજપમાં જોડાનાર નિખીલ સવાણીએ પણ ભાજપમાંથી રાજીનામું આપ્યું. અને ભાજપ પાટીદારોને ખરીદતી હોવાનો આક્ષેપ કર્યો.
ત્યારે કોંગ્રેસ પણ આ મુદ્દાને છોડવા ન માગતી. કોંગ્રેસ પ્રદેશ અધ્યક્ષ ભરતસિંહ સોલંકીએ ભાજપ પર ગંભીર આક્ષેપો કર્યા. અને કહ્યું કે 22 વર્ષથી સત્તા ભોગવતી ભાજપ અભિમાની થઈ ગઈ છે. અને હવે તેની ડુબતી નૈયાને કોઈ નહીં બચાવી શકે.