યાદી જાહેર થયા પહેલા કોંગ્રેસમાં વિવાદ હાઈકમાન્ડથી ભરતસિંહ સોલંકી થયા નારાજ કારણ કે...

તો આ તરફ કોંગ્રેસ દ્વારા પોતાના ઉમેદવારોને ફોન કરીને સૂચના આપવામાં આવી છે. ત્યારે કોંગ્રેસ હાઈકમાન્ડથી ભરતસિંહ સોલંકી નારાજ હોય તેવુ લાગી રહ્યુ છે. પોતાના ટેકદારોને ટિકિટ ન મળતા ભરતસિંહમાં નારાજગી જોવા મળી રહી છે.

મહત્વનુ છે કે કોંગ્રેસની યાદી જાહેર કરવામાં આવી નથી. ત્યારે યાદી જાહેર થતા પહેલા જ કોંગ્રેસમાં વિવાદ સર્જાયુ હોયે તેવુ લાગી રહ્યુ છે. 

બીજીબાજુ આગામી વિધાનસભાની ચૂંટણી માટે ભાજપ દ્વારા બીજી વખત યાદી જાહેર કરવામાં આવી છે. ત્યારે કોંગ્રેસ દ્વારા દિલ્હીમાં બેઠક કર્યા બાદ ઉમેદવારોને ટેલિફોન કરીને જાણ કરવાનુ શરૂ કરવામાં આવ્યુ છે. ઉમેદવારોને ફોન કરીને એફિડેવિટ સહિની કામગીરી શરૂ કરવા માટે સૂચના આપવામાં આવી છે. કોંગ્રેસ દ્વારા યાદી જાહેર કર્યા પહેલા ઉમેદવારોને ફોન કરીને સૂચના આપવામાં આવી છે. કોંગ્રેસ દ્વારા રવિવારે ઉમેદવારોની લિસ્ટ જાહેર કરવામાં આવશે.