બેંગ્લુરૂમાં વરસાદનો રેકોર્ડ બ્રેક જનજીવન ખોરવાયું

બેંગ્લુરૂ: બેંગ્લુરૂમાં સતત વરસાદ ચાલું છે. વરસાદના કારણે 16 લોકોના મોત થયા છે. આ વખતે બેંગ્લુરૂમાં 115 વર્ષમાં સૌથી વધારે વરસાદ થયો છે. વરસાદના કારણે ત્યાનું જનજીવન અસ્તવ્યસ્ત થઇ ગયું છે.

BBMC સાથે અન્ય રાહત દળ પણ વરસાદમાં બચાવ કાર્યમાં જોડાઇ ગયા છે. મોસમ વિભાગના મતે બેંગ્લુરૂમાં મોસમ અલગ જ જોવા મળી રહ્યું છે. પાછલા 2 મહિનાથી બેંગ્લુરૂમાં સતત વરસાદ થઇ રહ્યો છે.ઉલ્લેખનીય છે કે છેલ્લા કેટલાક સમયથી પડી રહેલા ધોધમાર વરસાદને પગલે બેંગલુરૂના રહીશો ત્રાહીમામ પોકારી ઉઠ્યા છે.

છેલ્લા કેટલાક સમયથી સતત પડી રહેલા વરસાદને પગલે ઠેર-ઠેર પાણી પણ ભરાઇ ગયા છે અને કેટલાય નીચાણવાળા વિસ્તારમાં રહેતા લોકોએ સ્થળાંતરણ કરવાની પરીસ્થિતી ઉભી થઇ હતી.